റിയാദ് അന്താരാഷ്ട്ര പുസ്തകമേളക്ക് തുടക്കമായി

റിയാദ്​: റിയാദ്​ അന്താരാഷ്​ട്ര പുസ്​തകമേളയ്ക്ക് ഇന്ന് തുടക്കമായി. ഒക്ടോബര്‍ 10​ വരെ റിയാദ്​ എയർപോർട്ട്​ റോഡിലെ റിയാദ്​ ​ഫ്രൻറ്​ എക്​സിബിഷൻ കേന്ദ്രത്തിൽ 36,000 ചതുരശ്ര മീറ്ററിൽ നടക്കുന്ന പുസ്​തകമേളയിൽ 28 രാജ്യങ്ങളിൽനിന്ന്​ ആയിരത്തോളം പ്രസാധകർ പങ്കെടുക്കും. കേരളത്തിൽനിന്ന്​ ഡി.സി ബുക്​സും പ​ങ്കെടുക്കുന്നു. ‘പുതിയ ലക്ഷ്യം, പുതിയ അധ്യായം'(New Destination, New Chapter) എന്നതാണ് ഈ പതിപ്പിന്റെ തീം.

ഇറാഖാണ്  ഈ വർഷം മേളയിലെ​​ അതിഥിരാജ്യം. ഒരുകൂട്ടം ഇറാഖി എഴുത്തുകാരും ചിന്തകന്മാരും കലാകാരന്മാരും സെമിനാറുകളിൽ പ​ങ്കെടുക്കുകയും സാംസ്കാരിക സായാഹ്​നങ്ങളിൽ വിവിധ പരിപാടികൾ അവതരിപ്പിക്കുകയും ചെയ്യും. മേളക്കിടയിൽ സാംസ്​കാരിക സർഗാത്മകതയുടെ വിവിധ മേഖലകൾ കൈകാര്യംചെയ്യുന്ന ചർച്ച സെഷനുകൾ, പ്രസാധന രംഗവുമായി ബന്ധപ്പെട്ട ശിൽപശാലകൾ, സെമിനാറുകൾ, കവിയരങ്ങ്​​, കലാസായാഹ്നങ്ങൾ, പ്രഭാഷണങ്ങൾ എന്നിവയും നടക്കും. സൗദിക്കു​ പുറമെ അറബ്​ ലോകത്തെയും അന്താരാഷ്​​ട്ര തലത്തിലെയും എഴുത്തുകാർ, ചിന്തകർ, നിരൂപകർ എന്നിവർ വിവിധ പരിപാടികളിൽ സംബന്ധിക്കും.

പ്രസാധക സമ്മേളനമായിരിക്കും മേളയിലെ പ്രധാന പരിപാടി. ആദ്യമായാണ്​ ഇങ്ങനെയൊരു പരിപാടി സംഘടിപ്പിക്കുന്നത്​. 12 സെഷനുകളിലായി നടക്കുന്ന സമ്മേളനത്തിൽ രാജ്യത്തിനകത്തും പുറത്തുനിന്നുള്ള 42 പ്രഭാഷകർ പ​ങ്കെടുക്കും. ഒക്ടോബര്‍ 4, 5 തീയതികളിലാണ് ഈ കോണ്‍ഫറന്‍സ് സംഘടിപ്പിച്ചിരിക്കുന്നത്. പകര്‍പ്പവകാശങ്ങളും വിവര്‍ത്തനവും അവയുടെ അവസരങ്ങളും കൈമാറുന്ന പ്രക്രിയയുമായി ബന്ധപ്പെട്ട വിവിധ സെഷനുകള്‍ക്കു പുറമെ, പ്രസിദ്ധീകരണവുമായി ബന്ധപ്പെട്ട ഡയലോഗ് സെഷനുകളും ശില്‍പശാലകളും പ്രസാധക സമ്മേളനത്തില്‍ ഉള്‍പ്പെടുന്നു.

ഇതാദ്യമായി ഡി.സി ബുക്​സും

28 രാജ്യങ്ങളിലെ ആയിരത്തോളം പ്രസാധകരിൽ മലയാളത്തിലെ പ്രമുഖ പ്രസാധകരായ ഡി.സി ബുക്​സും.

ബെന്യാമിന്റെ ‘നിശബ്ദ സഞ്ചാരങ്ങള്‍’, അരുന്ധതി റോയിയുടെ ‘ആസാദി’, പ്രശാന്ത് നായരുടെ ‘കളക്ടര്‍ ബ്രോ-ഇനി ഞാന്‍ തള്ളട്ടെ’, വി ജെ ജയിംസിന്റെ ‘ബി നിലവറ’ തുടങ്ങി നിരവധി പുതിയ പുസ്തകങ്ങള്‍, 47-ാം വാര്‍ഷികാഘോഷങ്ങളുടെ ഭാഗമായി ഡി സി ബുക്‌സ് പ്രസിദ്ധീകരിച്ച പുതിയ പുസ്തകങ്ങള്‍, മാംഗോ- മാമ്പഴം ഇംപ്രിന്റില്‍ പ്രസിദ്ധീകരിച്ച പുസ്തകങ്ങള്‍, ക്രൈംഫിക്ഷന്‍ നോവല്‍ മത്സരത്തിലെ പുസ്തകങ്ങള്‍ തുടങ്ങി നിരവധി ടൈറ്റിലുകള്‍ ഡി സി ബുക്‌സിന്റെ സ്റ്റാളിലൂടെ പ്രദര്‍ശനത്തിനെത്തും. കൂടാതെ വൈക്കം മുഹമ്മദ് ബഷീര്‍, എസ്.കെ. പൊറ്റെക്കാട്ട്, പി പത്മരാജന്‍, ഒ വി വിജയന്‍, എം ടി വാസുദേവന്‍ നായര്‍, ലളിതാംബിക അന്തര്‍ജനം, ഉറൂബ്, മാധവിക്കുട്ടി, തകഴി, ഒ ചന്ദുമേനോന്‍ , ടി ഡി രാമകൃഷ്ണന്‍, എം മുകുന്ദന്‍, എന്‍ എസ് മാധവന്‍, സാറാ ജോസഫ്, കെ ആര്‍ മീര, ഉണ്ണി ആര്‍, വിനോയ് തോമസ്, ദീപ നിശാന്ത്, ജോസഫ് അന്നംകുട്ടി ജോസ്, തുടങ്ങി മലയാളത്തിലെ എഴുത്തുകാരുടെ പുസ്തകങ്ങള്‍ക്കൊപ്പം ലോകോത്തര എഴുത്തുകാരുടെ പുസ്തകങ്ങളും മേളയുടെ ആകര്‍ഷണമാകും.

ഏവര്‍ക്കും സ്വാഗതം

പ്രവേശന പാസിന്