സഹ്യഹൃദയം പ്രിയപ്പെട്ടവര്‍ക്ക് സമ്മാനിച്ച് സുഗതകുമാരി
തിരുവനന്തപുരം: തന്നെ സന്ദര്‍ശിക്കാനെത്തിയ മന്ത്രി മന്ത്രി ടി.എം. തോമസ് ഐസക്കിനും വട്ടിയൂര്‍ക്കാവ് എം.എല്‍.എ വി.കെ.പ്രശാന്തിനും സഹ്യഹൃദയത്തിന്റെ കോപ്പികള്‍ സമ്മാനിച്ച് കവയിത്രി സുഗതകുമാരി. ഉപതെരഞ്ഞെടുപ്പിലെ വിജയത്തെത്തുടര്‍ന്ന് അനുഗ്രഹം തേടിയെത്തിയ വി.കെ.പ്രശാന്തിന് ആശംസകള്‍ ചൊരിഞ്ഞതിനൊപ്പം തന്റെ പരിസ്ഥിതിക്കവിതകളുടെ സമാഹാരത്തിന്റെ കോപ്പികള്‍ കൂടി ഇരുവര്‍ക്കുമായി സമ്മാനിച്ചാണ് സുഗതകുമാരി സന്തോഷം പങ്കുവെച്ചത്.
പ്രകൃതി മുഖ്യപ്രമേയമാകുന്ന കവിതകളുടെ സമാഹാരമായ സഹ്യഹൃദയം പ്രശസ്ത പ്രകൃതിഛായാഗ്രാഹകരുടെ ചിത്രങ്ങളോടൊപ്പം ഡി സി ബുക്‌സാണ് പ്രസിദ്ധീകരിച്ചിരിക്കുന്നത്. മരത്തിനു സ്തുതി, കുറിഞ്ഞിപ്പൂക്കള്‍, സൈലന്റ് വാലി, കാടും കടലും, തുലാവര്‍ഷപ്പച്ച, പശ്ചിമഘട്ടം, മഴയത്ത് ചെറിയ കുട്ടി, ഒരു പാട്ടു പിന്നെയും, കാക്കപ്പൂവ്, നിര്‍ഭയ, ചൂട്, കാട് തുടങ്ങീ 41 കവിതകളാണ് ഈ കൃതിയില്‍ സമാഹരിച്ചിരിക്കുന്നത്.
Comments are closed.