ഭക്ഷണത്തിനൊപ്പം പുസ്തകവും; പുതിയ ആപ്പ് പരീക്ഷിക്കാന്‍ റെയില്‍വേ
തീവണ്ടിയാത്രയ്ക്കിടയില്‍ പ്രിയ പുസ്തകങ്ങള്‍ കൂടി മിക്കവരും ഒപ്പം കരുതാറുണ്ട്. എന്നാല്‍ ഇനി യാത്രയില്‍ പുസ്തകം വായിക്കാന്‍ മോഹം തോന്നിയാല്‍ ഇഷ്ടപുസ്തകങ്ങള്‍ നിങ്ങളുടെ സീറ്റിലെത്തും. ഇതിനായി പുതിയൊരു മൊബൈല്‍ ആപ്ലിക്കേഷന്‍ പരീക്ഷിക്കാനുള്ള ഒരുക്കത്തിലാണ് ഇന്ത്യന്‍ റെയില്‍വേ.
പുസ്തകം മാത്രമല്ല സൗന്ദര്യവര്‍ദ്ധക വസ്തുക്കള്‍ വരെ ഈ ആപ്ലിക്കേഷന്‍ വഴി ലഭ്യമാകും. ഇതിനായി കോച്ചുകളില്‍ വൈഫൈയും ലഭ്യമാക്കും. മുംബൈ-വാരണാസി മഹാനഗരി എക്‌സ്പ്രസിലാണ് ഈ മൊബൈല്‍ ആപ് ആദ്യം പരീക്ഷിക്കുന്നത്. ടിക്കറ്റിതര വരുമാനം ലക്ഷ്യംവെച്ചാണ് പുതിയ പദ്ധതി.
സ്വകാര്യ കമ്പനിയാണ് ആപ്പ് പദ്ധതി നടപ്പാക്കുന്നതെങ്കിലും റെയില്‍വേ ഉദ്യോഗസ്ഥരുടെ മേല്‍നോട്ടത്തിലായിരിക്കുമിത്.
Comments are closed.