ഇത്യോപ്യന്‍ പ്രധാനമന്ത്രി അബി അഹ്മദിന് സമാധാന നൊബേല്‍
ഓസ്‌ലോ: ഇത്യോപ്യ പ്രധാനമന്ത്രി അബി അഹ്മദ് അലിക്ക് സമാധാനത്തിനുള്ള 2019-ലെ നൊബേല്‍ പുരസ്‌കാരം. എറിത്രിയയുമായുള്ള പതിറ്റാണ്ടുകള്‍ നീണ്ട അതിര്‍ത്തിസംഘര്‍ഷത്തിനു പരിഹാരം കണ്ടെത്താന്‍ നടത്തിയ ശ്രമങ്ങളുടെ പേരിലാണ് പുരസ്‌കാരം. 17 വര്‍ഷം നീണ്ട ഇത്യോപ്യ- എറിത്രിയന്‍ യുദ്ധത്തിനു പൂര്‍ണ്ണവിരാമമിട്ട് ഇരുരാജ്യങ്ങളും സമാധാന കരാറില്‍ ഒപ്പുവെച്ചത് 2018-ലാണ്.
എറിത്രിയയുമായുള്ള സമാധാനശ്രമങ്ങളുടെ പുറമേ, മേഖലയിലെ മറ്റു രാജ്യങ്ങള്‍ തമ്മിലുള്ള സംഘര്‍ഷം പരിഹരിക്കുന്നതിനും അബി അഹ്മദ് നടത്തിയ ശ്രമങ്ങളേയും നൊബേല്‍ പുരസ്‌കാര നിര്‍ണ്ണയ സമിതി പ്രശംസിച്ചു. ഇത്യോപ്യയില്‍ അദ്ദേഹം കൊണ്ടുവന്ന ഭരണപരിഷ്‌കാരങ്ങളുടെ കമ്മിറ്റിയുടെ ശ്രദ്ധ നേടി.
2020-ല്‍ രാജ്യത്ത് സ്വതന്ത്രവും നീതിപൂര്‍വ്വവുമായ തിരഞ്ഞെടുപ്പ് നടത്തുമെന്ന് അബി അഹമ്മദ് പ്രഖ്യാപിച്ചിട്ടുണ്ട്. 43 കാരനായ അബി അഹ്മദ് നിലവില്‍ ആഫ്രിക്കയിലെ ഏറ്റവും പ്രായം കുറഞ്ഞ പ്രധാനമന്ത്രിയാണ്. ആറരക്കോടി രൂപ(918,000 യു.എസ് ഡോളര്‍)യാണ് പുരസ്‌കാരതുകയായി ലഭിക്കുന്നത്. ഡിസംബര്‍ 10-ന് പുരസ്‌കാരം സമ്മാനിക്കും.
Comments are closed.