DCBOOKS
Malayalam News Literature Website

വെൻഡി ഡോണിഗർ കേരള ലിറ്ററേച്ചര്‍ ഫെസ്റ്റിവല്‍ വേദിയില്‍ എത്തുന്നു

വെൻഡി ഡോണിഗർ കേരള ലിറ്ററേച്ചര്‍ ഫെസ്റ്റിവല്‍ ആറാം പതിപ്പിന്റെ വേദിയില്‍ എത്തുന്നു.  അമേരിക്കൻ ഗവേഷകയും എഴുത്തുകാരിയും ചിക്കാഗോ സർവ്വകലാശാലയിലെ അധ്യാപികയുമാണ് വെൻഡി ഡോണിഗർ. നാൽപ്പതോളം പുസ്തകങ്ങളുടെ രചയിതാവാണ് കൂടിയാണ് വെൻഡി ഡോണിഗർ. സമീപകാലത്ത് പുറത്തിറങ്ങിയ ‘ദി ഹിന്ദുസ്: ആന്‍ ആള്‍ട്ടര്‍നേറ്റീവ് ഹിസ്റ്ററി’ എന്ന പുസ്തകം വലിയ വിവാദങ്ങള്‍ സൃഷ്ടിച്ചിരുന്നു. ഋഗ്വേദം, കാമസൂത്രം, മനുസ്മൃതി തുടങ്ങിയ ഗ്രന്ഥങ്ങൾ ഡോണിഗർ ഇംഗ്ലീഷിലേക്ക് വിവർത്തനംചെയ്തു. ദീർഘകാലമായി ഇന്ത്യൻ ചരിത്രത്തിലും സംസ്‌കാരത്തിലുംഗവേഷണം നടത്തിവരികയാണ്.

ഏഷ്യയിലെ ഏറ്റവും വലിയ സാഹിത്യോത്സവങ്ങളിലൊന്നായ കെ എൽ എഫ് ആറാം പതിപ്പ് 2023 ജനുവരി 12, 13, 14, 15 തീയതികളില്‍ കോഴിക്കോട് കടപ്പുറത്ത് നടക്കും. ഡി സി കിഴക്കെമുറി ഫൗണ്ടേഷന്റെ ആഭിമുഖ്യത്തില്‍ നടത്തുന്ന ഈ സാഹിത്യോത്സവത്തില്‍ സമകാലിക കലാ-സാഹിത്യ-സാംസ്‌കാരിക-സാമൂഹിക വിഷയങ്ങളില്‍ സജീവമായ ചര്‍ച്ചകള്‍ക്കും സംവാദങ്ങള്‍ക്കും വഴിയൊരുക്കിക്കൊണ്ട്  പ്രമുഖര്‍ പങ്കെടുക്കും.

അന്താരാഷ്ട്രതലത്തില്‍ സാംസ്‌കാരിക കേരളത്തിന്റെ യശസ്സ് ഉയര്‍ത്തിയ കേരള ലിറ്ററേച്ചര്‍ ഫെസ്റ്റിവല്‍ ലോകത്തിലെ മറ്റേത് സാഹിത്യോത്സവങ്ങളില്‍ നിന്നും ഏറെ വ്യത്യസ്തമാണ്. പൂര്‍ണ്ണമായും ജനങ്ങളുടെ പങ്കാളിത്തത്തോടെയുള്ള സാഹിത്യോത്സവമാണിത്.

രജിസ്ട്രേഷനും കൂടുതല്‍ വിവരങ്ങള്‍ക്കുമായി സന്ദര്‍ശിക്കുക

 

Comments are closed.