DCBOOKS
Malayalam News Literature Website

ഷാര്‍ജ അന്താരാഷ്ട്ര പുസ്തകമേളയില്‍ ഇന്ത്യയില്‍നിന്നുള്ള പ്രമുഖ സാഹിത്യ-സാംസ്‌കാരിക പ്രവര്‍ത്തകര്‍ പങ്കെടുക്കുന്നു

2017 നവംബര്‍ 1 മുതല്‍ 11 വരെ ഷാര്‍ജ എക്‌സ്‌പോ സെന്ററില്‍ നടക്കുന്ന 36-ാമത് ഷാര്‍ജ അന്താരാഷ്ട്ര പുസ്തകമേളയില്‍ ഇന്ത്യയില്‍നിന്നുള്ള പ്രമുഖരായ സാഹിത്യകാരന്മാരും സാംസ്‌കാരിക പ്രവര്‍ത്തകരും പങ്കെടുക്കുന്നു. വികാസ് സ്വരൂപ്, ആശാ പരേഖ്, ഖാലിദ് മുഹമ്മദ്, രാജ്ദീപ് സര്‍ദേശായി, സാഗരിക ഘോഷ്, ഡറക് ഒ ബ്രയാന്‍,  ജയറാം രമേശ്, എം.ടി. വാസുദേവന്‍നായര്‍, സിനിമാതാരം മാധവന്‍, രാകേഷ് ഓംപ്രകാശ് മെഹ്‌റ, മനു ജോസഫ്, പീറ്റര്‍ ലെരന്‍ഗിസ്, അശോക് സൂട്ട, തയരി ജോണ്‍സ്, ക്രിക്കറ്റ് താരം വസിം അക്രം, ദേവ്ദത്ത് പട്‌നായക്, പ്രീതി ഷെണോയി, അനുജ ചൗഹാന്‍, സാറാ ജോസഫ്സി. രാധാകൃഷ്ണന്‍ജോര്‍ജ് ഓണക്കൂര്‍, എം.എ. ബേബി, ഹേമമാലിനി, ഇന്നസെന്റ്ആഷിക് അബു, റിമ കല്ലിങ്കല്‍, ഭാഗ്യലക്ഷ്മി, കവികള്‍ ആലങ്കോട് ലീലാകൃഷ്ണന്‍അനില്‍ പനച്ചൂരാന്‍, തമിഴ്‌നാട് പ്രതിപക്ഷനേതാവ് എം കെ സ്റ്റാലിന്‍, സംഗീതസംവിധായകന്‍ എം ജയചന്ദ്രന്‍ തുടങ്ങിയവര്‍ വിവിധ ദിവസങ്ങളിലായി പുസ്തകമേളയില്‍ പങ്കെടുക്കുന്നു.

2017 നവംബര്‍ 1-ാം തീയതി രാവിലെ 9-30 മുതല്‍ 11-30 വരെ ബാള്‍ റൂമില്‍ ‘സ്ലം ഡോഗ് മില്യനയര്‍’, ‘എ അന്റ് ക്യൂ’ എന്നീ പുസ്തകങ്ങളിലൂടെ പ്രശസ്തനായ വികാസ് സ്വരൂപ് വിദ്യാര്‍ത്ഥികളുമായി സംവദിക്കുന്നു. നവംബര്‍ 2-ാം തീയതി രാവിലെ 8-30 മുതല്‍ 9-30 വരെ ഇന്റലക്ച്വല്‍ ഹാളില്‍വച്ചു നടക്കുന്ന ‘മീറ്റ് ദ ഓതര്‍’ പരിപാടിയില്‍ എം. കെ. മുനീര്‍ സംസാരിക്കുന്നു.

നവംബര്‍ 3-ാം തീയതി വെള്ളിയാഴ്ച വൈകുന്നേരം 4-30 മുതല്‍ 5-30 വരെ ബുക്ക് ഫോറത്തില്‍ സാദിക് കാവിലിന്റെ ഖുഷി എന്ന കുട്ടികള്‍ക്കുള്ള നോവലിനെക്കുറിച്ചുള്ള ചര്‍ച്ച. 5-30 മുതല്‍ 6-45 വരെ ഇന്റലക്ച്വല്‍ ഹാളില്‍ പ്രശസ്ത ഡബ്ബിങ് ആര്‍ട്ടിസ്റ്റ് ഭാഗ്യലക്ഷ്മി തന്റെ പുതിയ പുസ്തകത്തെക്കുറിച്ചും സിനിമയിലെ പുതിയ സ്ത്രീശബ്ദങ്ങളെക്കുറിച്ചും സംസാരിക്കുന്നു.  8-30 മുതല്‍ 9-30 വരെ ലിറ്ററേച്ചര്‍ ഫോറത്തില്‍ ആധുനിക തമിഴ് സാഹിത്യത്തിലെ ശ്രദ്ധേയനായ എഴുത്തുകാരന്‍ എസ്. രാധാകൃഷ്ണന്‍ തന്റെ പുതിയ പുസ്തകം ‘തുണൈ എഴുത്തി’നെക്കുറിച്ച് സംസാരിക്കുന്നു. ഇന്റലക്ച്വല്‍ ഹാളില്‍ 8-30 മുതല്‍ 10 മണിവരെ പ്രശസ്തനടി ആശാ പരേഖിനെക്കുറിച്ചുള്ള ‘ദ ഹിറ്റ് ഗേള്‍’ എന്ന പുസ്തകത്തെ മുന്‍നിര്‍ത്തി ഖാലിദ് മുഹമ്മദ് വായനക്കാരുമായി സംവദിക്കുന്നു. ബാള്‍ റൂമില്‍ രാത്രി 8-30 മുതല്‍ 10-30 വരെ ‘മലയാളസിനിമയിലെ പുതുകാലത്തിലെ വികാസപരിണാമങ്ങള്‍‘ ചര്‍ച്ചചെയ്യുന്നു. കമല്‍, ആഷിക് അബു, റിമ കല്ലിങ്കല്‍, അനൂപ് മേനോന്‍ തുടങ്ങിയവര്‍ പങ്കെടുക്കുന്നു.നവംബര്‍ 3-ാം തീയതി കുക്കറി കോര്‍ണറില്‍ രാത്രി 8-30 മുതല്‍ 9-30 വരെ പ്രശസ്ത പാചകവിദഗ്ദന്‍ ഷെഫ് ദാമു അവതരിപ്പിക്കുന്ന ‘കുക്കറി ഷോ’.

നവംബര്‍ 4-ാം തീയതി ശനിയാഴ്ച ഇന്റലക്ച്വല്‍ ഹാളില്‍ വൈകുന്നേരം 3-30 മുതല്‍ 5 മണിവരെ മലയാളസാഹിത്യത്തിന്റെ കുലപതി ജ്ഞാനപീഠജേതാവ് എം.ടി. വാസുദേവന്‍നായര്‍ വായനക്കാരെ അഭിസംബോധന ചെയ്യുന്നു. 5-15 മണിമുതല്‍ 6-15 വരെ ‘മീറ്റ് ദ ഓതര്‍’ പരിപാടിയില്‍ വി.ജെ. ജയിംസ് സംസാരിക്കുന്നു. 6-30 മുതല്‍ 7-30 വരെ പ്രശസ്ത മാധ്യമപ്രവര്‍ത്തകരായ രാജ്ദീപ് സര്‍ദേശായി, സാഗരിക ഘോഷ് എന്നിവര്‍ പങ്കെടുക്കുന്ന സംവാദം. 7-45 മണിമുതല്‍ 8-45 വരെ ടെലിവിഷന്‍ അവതാരകനും ഗ്രന്ഥകാരനുമായ ഡെറക് ഒബ്രിയനുമായി മുഖാമുഖം പരിപാടി.

നവംബര്‍ 5-ാം തീയതി ഞായറാഴ്ച ബാള്‍ റൂമില്‍ രാവിലെ 9-30 മണിമുതല്‍ 11-30 വരെ വിദ്യാര്‍ത്ഥികളുമായി സാമ്പത്തിക വിദഗ്ദനും ഗ്രന്ഥകാരനുമായ ജയറാം രമേശ് പുതിയ പുസ്തകമായ ഇന്ദിരാഗാന്ധിയുടെ ജീവചരിത്രത്തെക്കുറിച്ച് സംവദിക്കുന്നു. രാത്രി 8 മണിമുതല്‍ 9 മണിവരെ ബാള്‍ റൂമില്‍നടക്കുന്ന പുസ്തകസംവാദത്തിലും ജയറാം രമേശ് സംബന്ധിക്കുന്നുണ്ട്. 9-മണിമുതല്‍ 10 മണിവരെ ബാള്‍റൂമില്‍ ‘രംഗ് ദെ ബസന്തി’ എന്ന ഹിന്ദി സിനിമയുടെ ചിത്രീകരണാനുഭവങ്ങള്‍ പങ്കുവെയ്ക്കുന്ന പരിപാടി. സംവിധായകന്‍ രാകേഷ് ഓംപ്രകാശ് മെഹ്‌റ, നടന്‍ മാധവന്‍ എന്നിവര്‍ പങ്കെടുക്കുന്നു. അന്നുതന്നെ ഇന്റലക്ച്വല്‍ ഹാളില്‍ രാത്രി 8-30 മുതല്‍ 10 മണിവരെ ടി വി അവതാരകനും നടനുമായ ടിനി ടോം നടത്തുന്ന മുഖാമുഖം.

നവംബര്‍ 6-ാം തീയതി തിങ്കളാഴ്ച ഇന്റലക്ച്വല്‍ ഹാളില്‍ രാവിലെ 9-30 മണിമുതല്‍ 10-30 വരെ പ്രശസ്ത ഇംഗ്ലിഷ്-ഇന്ത്യന്‍ നോവലിസ്റ്റ് മനു ജോസഫ് ‘എഴുത്തനുഭവങ്ങളും യാത്രകളും’ എന്ന വിഷയത്തില്‍ വിദ്യാര്‍ത്ഥികളുമായി നടത്തുന്ന മുഖാമുഖം. 10-30 മുതല്‍ 12 മണിവരെ പ്രശസ്ത ഐ ടി വിദഗ്ധന്‍ അശോക് സൂട്ട വിദ്യാര്‍ത്ഥികളുമായി സംവദിക്കുന്നു.

നവംബര്‍ 7-ാം തീയതി ചൊവ്വാഴ്ച രാവിലെ 9-30 മണിമുതല്‍ 11-30 വരെ ബാള്‍ റൂമില്‍ അമേരിക്കന്‍ എഴുത്തുകാരന്‍ പീറ്റര്‍ ലെരന്‍ഗിസ് വിദ്യാര്‍ത്ഥികളുമായി നടത്തുന്ന സംവാദം. അന്നു വൈകീട്ട് 8 മണിമുതല്‍ 10 മണിവരെ ഇന്റലക്ച്വല്‍ ഹാളില്‍ ഹേമമാലിനി സംസാരിക്കുന്നു. ഇന്ത്യന്‍ സിനിമയിലും പൊതുരംഗത്തും നടി, നര്‍ത്തകി, രാഷ്ട്രീയനേതാവ് തുടങ്ങിയനിലകളിലുണ്ടായിട്ടുള്ള തന്റെ അനുഭവങ്ങള്‍ പങ്കുവയ്ക്കുന്നു.

നവംബര്‍ 8-ാം തീയതി ബുധനാഴ്ച ബാള്‍ റൂമില്‍ രാവിലെ 9-30 മണിമുതല്‍ 11-30 വരെ വിദ്യാര്‍ത്ഥികളുടെ സെഷനില്‍ പ്രശസ്ത അമേരിക്കന്‍ എഴുത്തുകാരി തയരി ജോണ്‍സുമായി ചോദ്യോത്തരവേള. രാത്രി 8 മണിമുതല്‍ 10 മണിവരെ ‘ചിരിക്കു പിന്നില്‍’ എന്ന പരിപാടിയില്‍ നടന്‍  ഇന്നസെന്റ് മനസ്സുതുറക്കുന്നു.

നവംബര്‍ 9-ാം തീയതി വ്യാഴാഴ്ച ബാള്‍ റൂമില്‍ രാവിലെ 9-30 മുതല്‍ 11 മണിവരെ പത്രപ്രവര്‍ത്തകയും എഴുത്തുകാരിയുമായ മാഹാഖാന്‍ ഫിലിപ്പ്‌സ് വിദ്യാര്‍ത്ഥികളുമായി നടത്തുന്ന മുഖാമുഖം. രാവിലെ 11 മണിമുതല്‍ 12-30 വരെ ബാള്‍ റൂമില്‍ എഴുത്തുകാരായ പ്രീതി ഷെണോയിയും അനുജാ ചൗഹാനും പങ്കെടുക്കുന്ന മുഖാമുഖം. രാത്രി 8-30 മുതല്‍ 10 മണിവരെ ‘അടരുന്ന അക്ഷരവും മുമ്പേ പറക്കുന്ന പക്ഷികളും’ പരിപാടിയില്‍ എം.എ. ബേബിയും എഴുത്തുകാരായ  സി. രാധാകൃഷ്ണന്‍ജോര്‍ജ് ഓണക്കൂര്‍ എന്നിവരും പങ്കെടുക്കുന്നു. രാത്രി 8 മണിമുതല്‍ 10 മണിവരെ ബാള്‍ റൂമില്‍ പ്രശസ്ത ക്രിക്കറ്റ് താരം വസിം അക്രവുമായി മുഖാമുഖം. കുക്കറി കോര്‍ണറില്‍ രാത്രി 8-30 മുതല്‍ 9-30 വരെ പ്രശസ്ത പാചകവിദഗ്ദന്‍ രാജ് കലേഷ് അവതരിപ്പിക്കുന്ന ‘കുക്കറി ഷോ’.

നവംബര്‍ 10-ാം തീയതി വെള്ളിയാഴ്ച ഇന്റലക്ച്വല്‍ ഹാളില്‍ വൈകുന്നേരം 5 മണിമുതല്‍ 6 വരെ പ്രശസ്ത എഴുത്തുകാരനും ഫോക്‌ലോറിസ്റ്റുമായ ദേവ്ദത്ത് പട്‌നായിക് നടത്തുന്ന പ്രഭാഷണം. 6 മണിമുതല്‍ 7 വരെ ‘ആലാഹയുടെ പെണ്‍മക്കളും അപരകാന്തിയും‘ പരിപാടിയില്‍  സാറാ ജോസഫും സംഗീത ശ്രീനിവാസും പെങ്കടുക്കുന്നു. രാത്രി 8 മണിമുതല്‍ 9 മണിവരെപ്രീതി ഷെണോയിയും അനുജാ ചൗഹാനും തങ്ങളുടെ എഴുത്തനുഭവങ്ങള്‍ പങ്കുവയ്ക്കുന്നു.ബാള്‍ റൂമില്‍ രാത്രി 7 മണിമുതല്‍ 8-30 വരെ നടത്തപ്പെടുന്ന ‘കാവ്യസന്ധ്യ’ യില്‍ പ്രശസ്തകവികളും ഗാനരചയിതാക്കളുമായ  ആലങ്കോട് ലീലാകൃഷ്ണന്‍അനില്‍ പനച്ചൂരാന്‍ എന്നിവര്‍ കവിതകളവതരിപ്പിക്കുന്നു. 8-30 മുതല്‍ 10-30 വരെ തമിഴകരാഷ്ട്രീയ നേതാവ് എം.കെ. സ്റ്റാലിന്‍ പ്രഭാഷണം നടത്തുന്നു.

നവംബര്‍ 11-ാം തീയതി ശനിയാഴ്ച ഇന്റലക്ച്വല്‍ ഹാളില്‍ രാത്രി 9-മണിമുതല്‍ 10 മണിവരെ ‘സംഗീതസംഗമം’ പ്രശസ്ത സംഗീതസംവിധായകന്‍  എം ജയചന്ദ്രന്‍ പങ്കെടുക്കുന്നു.

ലോകത്തിലെ ഏറ്റവും വലിയ പുസ്തകമേളകളിലൊന്നായ ഈ പുസ്തകമേളയില്‍ നൂറില്‍പ്പരം രാജ്യങ്ങളില്‍നിന്നായി 1500-ഓളം പ്രസാധകര്‍ പങ്കെടുക്കുമെന്നാണ് പ്രതീക്ഷിക്കുന്നത്.

 

Comments are closed.