സാനിയ മിര്‍സ-ഷുഐബ് മാലിക് ദമ്പതികള്‍ക്ക് ആണ്‍കുഞ്ഞ്

കായികരംഗത്തെ താരദമ്പതികളായ സാനിയ മിര്‍സയ്ക്കും ഷുഐബ് മാലിക്കിനും ആണ്‍കുഞ്ഞ് പിറന്നു. ഇന്ന് രാവിലെ ഷുഐബ് മാലിക്കാണ് കുഞ്ഞ് പിറന്ന വിവരം ട്വിറ്ററിലൂടെ ആരാധകരെ അറിയിച്ചത്. “മകനാണ് ജനിച്ചതെന്ന വിവരം സന്തോഷത്തോടെ പങ്കുവെക്കുന്നു. എപ്പോഴുമുള്ളതുപോലെ തന്നെ എന്റെ പെണ്‍കുട്ടി ഇപ്പോഴും ശക്തമായി തന്നെയുണ്ട്”- ഷുഐബ് ട്വിറ്ററില്‍ കുറിച്ചു.

Excited to announce: Its a boy, and my girl is doing great and keeping strong as usual #Alhumdulilah. Thank you for the wishes and Duas, we are humbled 🙏🏼 #BabyMirzaMalik 👼🏼

— Shoaib Malik 🇵🇰 (@realshoaibmalik) October 30, 2018

ഗര്‍ഭിണിയായിരുന്ന സമയത്തും സാനിയ സമൂഹമാധ്യമങ്ങളില്‍ സജീവമായിരുന്നു. ഗര്‍ഭകാലത്തെ വിശേഷങ്ങളും ചിത്രങ്ങളുമെല്ലാം അവര്‍ സമൂഹമാധ്യമത്തില്‍ പങ്കുവെച്ചിരുന്നു.മകനാണ് ജനിക്കുന്നതെങ്കില്‍ മിര്‍സ മാലിക് എന്നായിരിക്കും പേരിടുക എന്ന് ആരാധകരോട് നേരത്തെ തന്നെ സാനിയ സൂചിപ്പിച്ചിരുന്നു.2010-ലായിരുന്നു സാനിയയുടെയും ഷുഐബിന്റെയും വിവാഹം.