DCBOOKS
Malayalam News Literature Website

‘നീതി’ ; പി.കെ. പാറക്കടവ് എഴുതിയ കഥ

ആദ്യം കുഞ്ഞിന്റെ ചോറ്റുപാത്രം ഞങ്ങളെടുത്തു. സോമാലിയയില്‍ പട്ടിണിയാണ്.

Textഭക്ഷണം കഴിക്കാതെ ജീവിക്കാന്‍ ഇപ്പോഴേ പഠിക്കേണ്ടേ?

പിന്നീട് കുഞ്ഞിന്റെ കളിപ്പാട്ടങ്ങള്‍ ഞങ്ങള്‍ കവര്‍ന്നു.

വളരുമ്പോള്‍ ഈ കളിപ്പാട്ടങ്ങള്‍ അവര്‍ ആയുധമാക്കുമെന്ന് മന:ശാസ്ത്രജ്ഞര്‍.

അവസാനം അവന്റെ അമ്മയേയും അച്ഛനെയും ഞങ്ങള്‍ കൊന്നു.

സ്വന്തം കാലില്‍ നില്‍ക്കാന്‍ അവന്‍ പഠിക്കേണ്ടേ?

എന്നിട്ട് അവന്‍ വാവിട്ട് നിലവിളിച്ചപ്പോള്‍ ഞങ്ങളുടെ ഉറക്കം കളഞ്ഞതിന് അവനെതിരെ ഞങ്ങള്‍ കേസെടുത്തു.

പി.കെ. പാറക്കടവിന്റെ പുസ്തകങ്ങള്‍ക്കായി സന്ദര്‍ശിക്കുക

Comments are closed.