ബാബു സക്കറിയയുടെ ‘നീ ജനാലകൾ ‘; കവർച്ചിത്രം പ്രകാശനം ചെയ്തു

“കവിതയിലെ ജനലരികിലൂടെത്ര കിളികൾ പറന്നു പോകുന്നു “എന്നെഴുതുമ്പോൾ കവിത എന്ന ഇടം ഏതു ശബ്ദത്തിനും ഇടമുള്ള ഒന്നാണെന്ന പാഠം ആണ് പങ്കിടുന്നത്. ഓരോ ആളും കാണുന്നതോരോ കിളിയെ എന്നും ബാബു സക്കറിയ എഴുതുന്നു. പല പാട്ടുകൾ, ഒച്ചകൾ, പറക്കങ്ങൾ ഒക്കെയുമായി പല രീതിയിൽ ജീവിക്കുന്ന എഴുത്തിടത്തിൽ തനിക്കും ഇടമുണ്ടെന്ന ചിന്തയും ഇവിടെ നിശബ്ദമായി സന്നിഹിതമാണ്.