DCBOOKS
Malayalam News Literature Website

ജൂലായ് 26 – കാർഗിൽ വിജയദിനം

kargil

ദേശീയാഭിമാനത്താൽ പ്രചോദിതനായ ഭാരതീയന്റെ പോരാട്ട വീര്യത്തിന്റെ നാളുകൾ ലോകത്തിനു കാണിച്ചു കൊടുത്ത സംഭവങ്ങളിലൊന്നാണ് 1999 ലെ കാർഗിൽ യുദ്ധം .

ഭരതമണ്ണിലേക്ക് അതിക്രമിച്ചു കയറാനായി പ്രകൃതി പ്രതികൂലമായ നവംബര്‍-ഡിസംബര്‍ മാസങ്ങള്‍ തന്നെ പാകിസ്ഥാന്‍ തിരഞ്ഞെടുത്തു. പാക് പട്ടാളത്തിന്റെ അതീവ രഹസ്യമായ ഓപ്പറേഷന്‍ ബാദര്‍ ആയിരുന്നു 1998ല്‍ നടപ്പാക്കിയത്. തീവ്രവാദികളുടെ വേഷത്തില്‍ പട്ടാളക്കാരെ അതിര്‍ത്തി കടത്തി തര്‍ക്ക പ്രദേശമായ സിയാചിന്‍ മേഖലയുമായി ബന്ധിപ്പിക്കുന്ന ശ്രീനഗര്‍കാര്‍ഗില്‍ലെ ഹൈവേ ഉള്‍പ്പെടെ നിര്‍ണ്ണായക പ്രദേശങ്ങള്‍ അധീനതയിലാക്കുകയായിരുന്നു പാകിസ്ഥാന്‍ പട്ടാളത്തിന്റെ ലക്ഷ്യം.1999ലാണ് അവിചാരിതമെന്നു പറയാവുന്ന തരത്തില്‍ ഇന്ത്യന്‍ പട്ടാളത്തിന് പാകിസ്ഥാന്റെ നുഴഞ്ഞു കയറ്റത്തെക്കുറിച്ച് വിവരം കിട്ടുന്നത്. അപ്പോഴേക്കും പാക് സൈന്യം അതിര്‍ത്തിക്കിപ്പുറത്ത് ശക്തമായി നിലയുറപ്പിച്ച് കഴിഞ്ഞിരുന്നു. തുടര്‍ന്ന് നടന്നത് നഷ്ടപ്പെട്ട പ്രദേശം വീണ്ടെടുക്കാനുള്ള യുദ്ധമായിരുന്നു. 50 ദിവസം ഏറ്റുമുട്ടല്‍ നീണ്ടു നിന്നു. ടെലിവിഷനിലൂടെ നമ്മള്‍ കണ്ട ആദ്യത്തെ ഇന്ത്യപാക് യുദ്ധം പാകിസ്ഥാന്റെ പിന്‍വാങ്ങലോടെ 1999 ജൂലൈ 26ന് യുദ്ധം ഔദ്യോഗികമായി അവസാനിച്ചു. പക്ഷേ എല്ലാ സ്ഥലങ്ങളും തിരിച്ചു പിടിച്ച് യുദ്ധമവസാനിച്ചപ്പോള്‍ ഓപ്പറേഷന്‍ വിജയ് എന്ന് പേരിട്ട ഈ യുദ്ധത്തില്‍ രാജ്യത്തിന് 527 വീരപുത്രന്മാരെയായിരുന്നു.

പാകിസ്ഥാന്റെ ഭാഗത്തും വന്‍ നാശം സംഭവിച്ചു. എന്നാല്‍ നുഴഞ്ഞു കയറ്റത്തിലെ തങ്ങളുടെ പങ്ക് പാക് പട്ടാളം നിഷേധിക്കുകയായിരുന്നു. സത്യം പിന്നീട് കാലം തന്നെ തെളിയിച്ചു. കാര്‍ഗില്‍ യുദ്ധ സമയത്തെ സേന തലവനായിരുന്ന പര്‍വേസ് മുഷറഫിനെ ഈ അതിസാഹസത്തിന്റെ കാരണക്കാരനായി ചൂണ്ടിക്കാണിക്കപ്പെട്ടു. പര്‍വേസ് മുഷറഫിനെ കൂടാതെ അന്നത്തെ ചീഫ് ഓഫ് ജനറല്‍ സ്റ്റാഫ് ലഫ്റ്റനന്റ് ജനറല്‍ ജാവേദ് ഹസന്‍, റാവല്‍പിണ്ടി ആസ്ഥാനമായുള്ള പത്താം ബറ്റാലിയന്റെ കമാന്‍ഡര്‍ ആയിരുന്ന ലഫ്റ്റനന്റ് ജനറല്‍ മഹമ്മൂദ് അഹമ്മദ് എന്നിവരുടെ ഗൂഢാലോചനയായിരുന്നു കാര്‍ഗിലില്‍ നടപ്പാക്കി തിരിച്ചടി ഏറ്റുവാങ്ങിയത്. തങ്ങള്‍ക്ക് 450 സൈനികരെ നഷ്ടപ്പെട്ടു എന്നാണ് പാകിസ്ഥാന്‍ സമ്മതിക്കുന്നതെങ്കിലും യഥാര്‍ത്ഥ നാശം ഇതില്‍ എത്രയോ കൂടുതലാണ്.

കാര്‍ഗിലില്‍ വിജയം കുറിച്ച ജൂലൈ 26 ഇന്ത്യ പിന്നീട് വിജയ് ദിവസ് എന്ന പേരില്‍ ആചരിക്കാന്‍ തുടങ്ങി. കാര്‍ഗില്‍ യുദ്ധം

Comments are closed.