കഥാപാത്രങ്ങൾക്കുണ്ടായ മാറ്റങ്ങളാണ് ദൃശ്യം 2 ; ജിത്തു ജോസഫ്, വീഡിയോ
കഥാപാത്രങ്ങൾക്കുണ്ടായ മാറ്റങ്ങളാണ് ദൃശ്യം 2 എന്ന് സംവിധായകന്‍ ജിത്തു ജോസഫ്. ജിത്തു ജോസഫ്- മോഹൻലാൽ കൂട്ടുകെട്ടിൽ നിന്ന് സിനിമാ പ്രേക്ഷകർ മറ്റൊരു മെഗാഹിറ്റാണ്
ദൃശ്യം 2 വിലൂടെ പ്രതീക്ഷിക്കുന്നത്. സിനിമാഭ്രാന്തന്‍ എന്ന യൂ ട്യൂബ് ചാനലില്‍ സംസാരിക്കുകയായിരുന്നു അദ്ദേഹം. വരാനിരിക്കുന്ന പ്രൊജ്ക്ടുകളെക്കുറിച്ചുള്‍പ്പെടെ അദ്ദേഹം സംസാരിച്ചു.
വീഡിയോ കാണാം
ദൃശ്യം സിനിമയുടെ ആദ്യ ഭാഗത്തിലുണ്ടായിരുന്ന മിക്ക താരങ്ങളും രണ്ടാം ഭാഗത്തിലും വേഷമിടുന്നുണ്ട്. കൂടാതെ ഗണേഷ് കുമാര്‍, മുരളി ഗോപി, സായ് കുമാര്‍ തുടങ്ങിയ താരങ്ങളും ഇത്തവണ സിനിമയുടെ ഭാഗമാകുന്നുണ്ട്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ തന്നെയാണ് രണ്ടാം ഭാഗവും നിർമിക്കുന്നത്.
ജിത്തു ജോസഫ് തന്നെയാണ് രചനയും സംവിധാനവും. 2013ലാണ് മോഹന്‍ലാല്‍ നായകനായി ജിത്തു ജോസഫ് സംവിധാനത്തില്‍ ദൃശ്യം എത്തുന്നത്. 100 ദിവസത്തിനു മുകളില്‍ തീയേറ്ററുകളില്‍ പ്രദര്‍ശിപ്പിച്ച ചിത്രം പിന്നീട് ആറ് ഭാഷകളിലേക്ക് റീമേക്ക് ചെയ്യപ്പെട്ടു.
Comments are closed.