DCBOOKS
Malayalam News Literature Website

എം. ഗോവിന്ദന്റെ കവിതകളുടെ പ്രകാശനം ഡിസംബര്‍ 6ന്

എം. ഗോവിന്ദന്റെ സമ്പൂര്‍ണ്ണ കവിതകളുടെ പ്രകാശനം 2017 ഡിസംബര്‍ 6ന് വൈകുന്നേരം 5 മണിക്ക് തിരുവനന്തപുരം പ്രസ് ക്ലബ്ബില്‍ (പി.സി. സുകുമാരന്‍നായര്‍ ഹാള്‍) നടക്കും. പ്രശസ്ത സിനിമാ സംവിധായകന്‍ അടൂര്‍ ഗോപാലകൃഷ്ണന്‍ എഴുത്തുകാരന്‍ ജയമോഹന് പുസ്തകം നല്‍കിക്കൊണ്ട് പ്രകാശനം നിര്‍വഹിക്കും. ചടങ്ങില്‍ ഗോവിന്ദന്റെ കവിതകളെ പി.കെ. തിലക് പരിചയപ്പെടുത്തും. ചടങ്ങില്‍ എം. ഗോവിന്ദന്റെ കവിതകളുടെ ആലാപനവും പബ്ലിക് റിലേഷന്‍സ് ഡിപ്പാര്‍ട്‌മെന്റിനുവേണ്ടി കെ.എന്‍. ശശിധരന്‍ സംവിധാനം ചെയ്ത ‘എം. ഗോവിന്ദന്‍’ എന്ന ഹൃസ്വചിത്രത്തിന്റെ പ്രദര്‍ശനവും ഒരുക്കിയിട്ടുണ്ട്. എം.ജി. രാധാകൃഷ്ണന്‍, അനിതാ തമ്പി തുടങ്ങിയവര്‍ പങ്കെടുക്കും.

മനുഷ്യന്‍ എന്ന ബിംബത്തെ മനോഹരമാക്കുക എന്നതായിരുന്നു എം. ഗോവിന്ദന്റെ ജീവിതവിചാരം. ഇതുതന്നെയായിരുന്നു അദ്ദേഹത്തിന്റെ കലാവിചാരവും. മനുഷ്യന്റെ വേര് മനുഷ്യന്‍ തന്നെയാണെന്നു വിശ്വസിച്ച ഗോവിന്ദന്റെ ചിന്തകള്‍ക്ക് ഇന്നു പ്രസക്തിയേറുകയാണ്. അദ്ദേഹത്തിന്റെ  കൃതികള്‍ വായനക്കാരിലേക്ക് എത്തിക്കുക എന്ന ദൗത്യം ഏറ്റെടുത്തിരിക്കുകയാണ് എം. ഗോവിന്ദന്‍ ഫൗണ്ടേഷന്‍ ഓഫ് ഇന്ത്യ. അതിന്റെ മുന്നോടിയാണ് ‘എം. ഗോവിന്ദന്റെ സമ്പൂര്‍ണ്ണ കവിതകളുടെ’ പ്രകാശനം.

Comments are closed.