ലോക്‌ഡൗൺ കാലത്ത് വീണ്ടും വ്യത്യസ്ത ആശയവുമായി ബെന്യാമിൻ

സമീപകാല മലയാള നോവല്‍ സാഹിത്യത്തെ ജനകീയമാക്കുന്നതിലും വായന ഒരാഘോഷമാക്കുന്നതിലും പ്രധാനപങ്കു വഹിച്ച എഴുത്തുകാരില്‍ ഒരാളാണ് ബെന്യാമിന്‍. ഇപ്പോൾ ഇതാ ലോക്ഡൗൺ സമയത്ത് പ്രിയവായനക്കാർക്കായി ദിവസവും വ്യത്യസ്തമായ ആശയങ്ങളാണ് ബെന്യാമിൻ തന്റെ ഫേസ്ബുക് പേജിലൂടെ പങ്കുവയ്ക്കുന്നത്. ഇപ്പോൾ ഇതാ വായനക്കാർക്കായി വീണ്ടും വ്യത്യസ്തവും ആകർഷകവുമായ ആശയവുമായാണ് ബെന്യാമിൻ എത്തിയിരിക്കുന്നത്. വായനക്കാർക്ക് ഏറ്റവും ഇഷ്ടമുള്ള പുസ്തകത്തിന്റെ ബ്ലർബ് എഴുതാൻ അവസരം കിട്ടിയാൽ എങ്ങനെ ആവും അത് എഴുതുക എന്നതാണ് പുതിയ മത്സരം. Stay Home # Stay Creative എന്ന ഹാഷ്ടാഗോടു കൂടിയാണ് അദ്ദേഹം പോസ്റ്റുകൾ പങ്കുവെക്കുന്നത്.

ബെന്യാമിന്റെ ഫേസ്ബുക് പോസ്റ്റിന്റെ പൂർണരൂപം

പുതിയ മത്സരം.
ബ്ലർബ് രചന # ചലഞ്ച്.
ഇതോടൊപ്പമുള്ള ചിത്രത്തിൽ കാണുന്നത് ഒരു മാർകേസ് നോവലിന്റെ ബ്ലർബ് ആണ്. പുസ്തകത്തിന്റെ ആത്മാവ് നാലോ അഞ്ചോ വാചകങ്ങളിൽ മനോഹരമായി എഴുതി വായനക്കാരെ ആകർഷിക്കുക എന്നതാണ് ബ്ലർബ് രചനയുടെ വെല്ലുവിളി.
നിങ്ങൾക്ക് ഏറ്റവും ഇഷ്ടമുള്ള പുസ്തകത്തിന്റെ ബ്ലർബ് എഴുതാൻ അവസരം കിട്ടിയാൽ എങ്ങനെ ആവും അത് എഴുതുക. അതാണ്‌ ഈ മത്സരം.