രേഖപ്പെടുത്താത്ത ചരിത്രങ്ങൾ… ലാജോ ജോസ് എഴുതുന്നു

ഈ പുസ്തകം വായിച്ചപ്പോൾ മനസ്സിൽ പൊങ്ങി വന്ന മറ്റൊരു ചിന്തയാണ് – തന്നെപ്പോലെ തന്നെ പ്രഗൽഭരായ പോലീസ് ഉദ്യോഗസ്ഥരെ കുറിച്ചും പോലീസ് സർജന്മാരെ കുറിച്ചും ഒക്കെ അദ്ദേഹം ഈ പുസ്തകത്തിൽ പ്രതിപാദിച്ചിട്ടുണ്ട്. എന്നാൽ ഈ ഉദ്യോഗസ്ഥരെ കുറിച്ച് നാം വേറെ എവിടെയെങ്കിലും രേഖപ്പെടുത്തിയിട്ടുണ്ടോ? അവരൊക്കെ വെറും പേരുകൾ മാത്രമായി മാറുകയാണ്. ചരിത്രം രേഖപ്പെടുത്താതെ പോയ ഇങ്ങനെ എത്രയോ പ്രഗത്ഭർ ഓരോ തലമുറയിലുമുണ്ട്! നമ്മൾ മലയാളികൾക്ക് ചരിത്രം രേഖപ്പെടുത്താൻ മടിയാണെന്ന് തോന്നുന്നു. ഇന്ത്യക്കാർക്കു പൊതുവേ അങ്ങനെയാണെന്ന് alternate history books, films, ബാല്യകാല മുതലപിടുത്തം എന്നിവ കൊണ്ട് നാം കാണുന്നുണ്ട്.

George Joseph (Modus Operandi fame) സാറിനെക്കുറിച്ചറിയാൻ സഫാരി ചാനലിലെ ചരിത്രം എന്നിലൂടെ എന്ന പരിപാടി വേണ്ടി വന്നു.

പുസ്തകത്തിലേയ്ക്ക് വന്നാൽ 41 ലേഖനങ്ങളാണ് ഇതിൽ. ചാക്കോ വധം അല്ലെങ്കിൽ സുകുമാരക്കുറുപ്പിനെതിരെ തുമ്പുണ്ടാക്കിയ ഉദ്യോഗസ്ഥൻ എന്ന രീതിയിലാണ് ഇദ്ദേഹം സുപ്രസിദ്ധി നേടിയതെങ്കിലും അത് വളരെ എളുപ്പമായ കണ്ടെത്തൽ ആയിരുന്നുവെന്ന് പുസ്തകം വായിക്കുമ്പോൾ നമ്മൾക്ക് മനസ്സിലാകും.

ഒരു ഫോറൻസിക് വിദഗ്ധൻ എന്ന നിലയിൽ അദ്ദേഹം തൻ്റെ പ്രാഗത്ഭ്യം തെളിയിച്ച കേസുകൾ എൻ്റെ കാഴ്ച്ചപ്പാടിൽ ഇവയൊക്കെയാണ്.

ഒന്ന്: എസ് ഐ സോമൻ്റെ മരണം കൊലപാതകമല്ല
രണ്ട്: പോളക്കുളം കേസ്
മൂന്ന്: ചാവക്കാട് മാർക്കറ്റിലെ വ്യാപാരി ജോണി വധം

ഫോട്ടോഗ്രഫിക് സൂപ്പർ ഇമ്പോസിഷൻ എന്ന സാങ്കേതികവിദ്യ പരമാവധി ഉപയോഗപ്പെടുത്തിയ ആളാണ് ഇദ്ദേഹം.

ബാക്കി ലേഖനങ്ങളെല്ലാം ഫോറൻസിക് മെഡിസിൻ എന്ന ശാഖയെക്കുറിച്ച് സമഗ്രമായ അറിവ് നൽകുന്നതാണ്.

 ഡോ.ബി. ഉമാദത്തന്റെ കൃതിയാണ് ഒരു പൊലീസ് സര്‍ജന്റെ ഓര്‍മ്മക്കുറിപ്പുകള്‍ വാങ്ങുന്നതിനായി സന്ദര്‍ശിക്കുക

ലാജോ ജോസിന്റെ ‘റൂത്തിന്റെ ലോകം’ വാങ്ങുന്നതിനായി സന്ദര്‍ശിക്കുക