പൊന്നാനിയില്‍ ഇന്ന് ബിജെപി ഹര്‍ത്താല്‍
മലപ്പുറം പൊന്നാനി നഗരസഭയില്‍ ശനിയാഴ്ച ബിജെപി ആഹ്വാനം ചെയ്ത ഹര്‍ത്താല്‍ ആരംഭിച്ചു. പൊന്നാനി ഉപനഗര്‍ കാര്യവാഹ് കടവനാട് ഹരിഹരമംഗലം എണ്ണാഴി സിജിത്തി(29)നെയാണ് ഒരു സംഘം മാരകമായി വെട്ടിപ്പരിക്കേല്‍പ്പിച്ചത്. ഇതില്‍ പ്രതിഷേധിച്ചാണ് ഹര്‍ത്താല്‍.
രാവിലെ ആറ് മുതല്‍ വൈകിട്ട് ആറ് വരെയാണ് ഹര്‍ത്താല്‍. പാല്‍, പത്രം, ആശുപത്രി, ശബരിമല തീര്‍ത്ഥാടനം തുടങ്ങി അവശ്യ സര്‍വീസുകളെ ഹര്‍ത്താലില്‍ നിന്നും ഒഴിവാക്കിയിട്ടുണ്ട്. ഗുരുതര പരുക്കേറ്റ സിജിത്ത് എടപ്പാളിലെ സ്വകാര്യ ആശുപത്രിയില്‍ ചികിത്സയിലാണ്. ഇത് ഏഴാം തവണയാണ് സിജിത്തിനു നേരെ ആക്രമണം നടക്കുന്നത്.
ഓട്ടോറിക്ഷാ തൊഴിലാളിയായ സിജിത്തിനെ ഒരു സംഘം കുറ്റിപ്പുറത്തേക്ക് ഓട്ടോ സര്‍വീസിനായി വിളിച്ച് കൊണ്ടു പോയി നരിപ്പറമ്പില്‍ വച്ച് ആക്രമിക്കുകയായിരുന്നു. അക്രമത്തിനു പിന്നില്‍ എന്‍ഡിഎഫ് പ്രവര്‍ത്തകരാണെന്ന് ആര്‍എസ്എസ് ആരോപിച്ചു. വലതു കൈപ്പത്തി അറ്റ നിലയിലായിരുന്നു. ഇടതു കയ്യുടെ എല്ല് പൊട്ടി. സിജിത്തിനെ അടിയന്തിര ശസ്ത്രക്രിയക്ക് വിധേയനാക്കി.
എസ്ഡിപിഐ, സിപിഎം കൂട്ടുകെട്ടിനെതിരെയും പോലീസിന്റെ അനാസ്ഥക്കെതിരെയും ബിജെപി ഇന്ന് രാവിലെ 10.00ന് നഗരത്തില്‍ പ്രതിഷേധ പ്രകടനം നടത്തും.
Comments are closed.