ടി പി രാജീവൻ അന്തരിച്ചു

സാഹിത്യകാരൻ ടി പി രാജീവൻ  (63) അന്തരിച്ചു. കോഴിക്കോട്ടെ സ്വകാര്യ ആശുപത്രിയില്‍ ആയിരുന്നു അന്ത്യം. വൃക്ക സംബന്ധമായ അസുഖങ്ങളെ തുടര്‍ന്ന് ദീര്‍ഘകാലമായി ചികിത്സയിലായിരുന്നു. ഡി സി ബുക്സ് പ്രസിദ്ധീകരിച്ച കെ.ടി.എന്‍. കോട്ടൂര്‍ എഴുത്തും ജീവിതവും എന്ന കൃതിക്ക് 2014-ല്‍ കേരള സാഹിത്യ അക്കാദമി പുരസ്‌കാരം ലഭിച്ചു. ഇത്‌ ‘ഞാൻ’ എന്ന പേരിൽ സിനിമയായി. ‘പാലേരി മാണിക്യം–- ഒരു പാതിരാ കൊലപാതകത്തിന്റെ കഥ’ നോവലും സിനിമയായിട്ടുണ്ട്.

1959 ജൂണ്‍ 30-ന് കോഴിക്കോട് ജില്ലയില്‍ മലയോര ഗ്രാമമായ പാലേരിയിലാണ് ടി പി രാജീവന്റെ ജനനം. വാതില്‍, രാഷ്ട്രതന്ത്രം, കോരിത്തരിച്ചനാള്‍, പുറപ്പെട്ടുപോകുന്ന വാക്ക്, അതേ ആകാശം അതേ ഭൂമി, വിരുന്നുവന്ന വാക്ക്, പാലേരി മാണിക്യം, പ്രണയശതകം, ദീര്‍ഘകാലം, കെ.ടി.എന്‍. കോട്ടൂര്‍-എഴുത്തും ജീവിതവും, Undying echos of Silence (Novel), He who was gone thus, Kannaki (Poems), Third Word; Post Socialist Poetry (Editor) തുടങ്ങിയവ കൃതികള്‍. കവിതകള്‍ 14 ഭാഷകളിലേക്ക് വിവര്‍ത്തനം ചെയ്യപ്പെട്ടിട്ടുണ്ട്. അമേരിക്കന്‍ വിദേശകാര്യവകുപ്പിന്റെ ഇന്റര്‍നാഷണല്‍ വിസിറ്റര്‍ ഫെലോഷിപ്പ് (2004), അയോവ സര്‍വ്വകലാശാലയുടെ ഹോണററി ഫെലോ ഇന്‍ റൈറ്റിങ് ബിരുദം, ന്യൂയോര്‍ക്കിലെ ലെഡിങ് ഹൗസ് ഫൗണ്ടേഷന്റെ റൈറ്റര്‍ ഇന്‍-റസിഡന്‍സ് ഫെലോഷിപ്പ്, റോക് ഫെല്ലര്‍ ഫൗണ്ടേഷന്‍ ഫെല്ലോഷിപ്പ്, ഷാങ്ഘായ് റൈറ്റേഴ്‌സ് അസോസിയേഷന്‍ ഫെല്ലോഷിപ്പ് എന്നിവ ലഭിച്ചു.

ഡി സി ബുക്‌സ് പ്രസിദ്ധീകരിച്ച കൃതികള്‍
നോവല്‍ :  ക്രിയാശേഷം, കെ.ടി.എന്‍. കോട്ടൂര്‍ എഴുത്തും ജീവിതവും, കുഞ്ഞാലിമരക്കാര്‍
കവിത :  വയല്‍ക്കരെ ഇപ്പോഴില്ലാത്ത