നിരാമയി (Niramayi)

അന്വേഷണവും ത്രില്ലറുകളും നമുക്കെന്നും ഇഷ്ടമാണ്. അതിൽ അൽപം ചരിത്രം കൂടി ചേർന്നാലോ? കൂടെ പ്രണയവും സൗഹൃദവും യാത്രകളും തമാശകളും പഴയകാലത്തെ സാങ്കേതികവിദ്യകളും അങ്ങനെ അങ്ങനെ എല്ലാം ചേർന്ന ഒരു നോവൽ അതാണ് നിരാമയി. മികച്ച ഭാഷയിൽ വ്യത്യസ്തവുമായ ഒരു നിധിവേട്ടയുടെ കഥപറയുന്ന ഈ നോവലിനെ നയിക്കുന്നത് കേവലം ഒരാളോ രണ്ടാളോ അല്ല ഒരു കൂട്ടം മനുഷ്യരാണ്. ഇത് ഒരു നിധിവേട്ടയുടെ കഥമാത്രമല്ല ഇതിൽ പഴയകാലത്തിൻ്റെ ശേഷിപ്പുകളും ശക്തമായ പ്രണയവും കൂട്ടക്കൊലയുടെ പ്രതികാരവും അങ്ങനെ പല വശങ്ങളുണ്ട്.

പതിനെട്ടാം നൂറ്റാണ്ടിൽ തെക്കുംകൂർ ഭരിച്ചിരുന്ന ആദിത്യ വർമ്മൻ മണികണ്ഠൻ്റെ കാലത്ത് നടന്ന തിരുവിതാംകൂറിൻ്റെ പടയോട്ടത്തിനോടനുബന്ധിച്ചുണ്ടായ ചില ചരിത്രസംഭവങ്ങളിൽ നിന്നും പ്രചോദനം ഉൾക്കൊണ്ട് എഴുതിയിരിക്കുന്ന ഒരു നിധി വേട്ടയുടെ കഥയാണ് നിരാമയി… ആ പടയോട്ടത്തിനിടയിൽ എങ്ങോ മറഞ്ഞു പോയി എന്ന് കരുതപ്പെടുന്ന നിധിയുടെ പിന്നാലെ ഈ കാലഘട്ടത്തിൽ ഒരുകൂട്ടം ആളുകൾ നടത്തുന്ന അതിസാഹസികമായ യാത്രയാണ് ഇതിൻ്റെ ഇതിവൃത്തം.

രേസമയം ചരിത്രം ഇഷ്ടപ്പെടുന്നവ‍‍‍ർക്കും അന്വേഷണാത്മക ത്രില്ലറുകൾ ഇഷ്ടപ്പെടുന്നവർക്കും കയ്യിലെടുക്കാൻ പറ്റുന്ന നോവലാണിത്. ഇതിൽ പ്രതിപാദിച്ചിരിക്കുന്ന പല ചരിത്രവും യഥാർത്ഥമാണ്. പക്ഷെ എഴുത്തുകാരൻ്റെ ഭാവനയും ഇതിലുണ്ട്. രണ്ടും തമ്മിൽ തിരിച്ചറിയാനാവാത്തവിധം ഉൾച്ചേർന്നിരിക്കുന്നു.

‍ശക്തരായ സ്ത്രീകഥാപാത്രങ്ങളാണ് മറ്റൊരു സവിശേഷത. മുൻനിരയിൽ നിന്ന് പുരുഷ കഥാപാത്രങ്ങളോടൊപ്പം പ്രവർത്തിക്കുന്ന വ്യക്തമായ അഭിപ്രായവും തൻപോരിമയുമുള്ള സ്ത്രീകഥാപാത്രങ്ങൾ ഇതിലുണ്ട്.

മികച്ച ഒഴുക്കുള്ള ഭാഷയാണ് മറ്റൊന്ന്. വളരെ ​ഗൗരവമുള്ള വിഷയങ്ങൾ പറയുന്ന ഭാ​ഗങ്ങളിൽപ്പോലും ലളിതമായ എന്നാൽ വിഷയത്തിൻ്റെ തനിമ ചോരാത്ത ഭാഷയാണ് ഉപയോ​ഗിച്ചിരിക്കുന്നത്.