നവഫാസിസവും നവലോകക്രമവും (Navafascisavum Navalokakramavum)

കെ.ടി. കുഞ്ഞിക്കണ്ണന്റെ നവഫാസിസവും നവലോകക്രമവും എന്ന ഈ കൃതി സമകാലീന ലോകക്രമത്തിലെ ഫാസിസ്റ്റ് പ്രവണതകളെ ചരിത്രപരമായും രാഷ്ട്രീയമായും വിശകലനം ചെയ്യുന്നു.നവഫാസിസത്തിന്റെ ഉദയം രണ്ടാം ലോകമഹായുദ്ധത്തോടെ ഫാസിസം അവസാനിച്ചുവെന്ന് ലോകം കരുതിയെങ്കിലും, സ്ട്രാസ്ബർഗ് പദ്ധതിയിലൂടെ നാസി മൂലധനം രഹസ്യമായി സംരക്ഷിക്കപ്പെടുകയും അത് പിൽക്കാലത്ത് നവഫാസിസ്റ്റ് ഗ്രൂപ്പുകളെ വളർത്താൻ ഉപയോഗിക്കപ്പെടുകയും ചെയ്തുവെന്ന് കെ.ടി. കുഞ്ഞിക്കണ്ണന്റെ നവഫാസിസവും നവലോകക്രമവും എന്ന ഈ കൃതി വിശദീകരിക്കുന്നു.

നവലിബറലിസവും ഫാസിസവും :
ആഗോള സാമ്പത്തിക നയങ്ങൾ (Privatization, Liberalization) ജനജീവിതം ദുസ്സഹമാക്കുമ്പോൾ, ജനങ്ങളുടെ ആ അസംതൃപ്തിയെ വർഗ്ഗസമരത്തിലേക്ക് നയിക്കാതെ വംശീയതയിലേക്കും അപരവിദ്വേഷത്തിലേക്കും തിരിച്ചുവിടാൻ നവഫാസിസ്റ്റുകൾക്ക് കഴിയുന്നു വെന്ന് കെ ടി കുഞ്ഞിക്കണ്ണൻ ഈ പുസ്തകത്തിൽ പറയുന്നു. കുടിയേറ്റക്കാരാണ് തൊഴിൽ നഷ്ടപ്പെടുത്തുന്നതെന്ന വ്യാജ പ്രചാരണം ഇതിന് ഉദാഹരണമായി അദ്ദേഹം ചൂണ്ടി കാണിക്കുന്നു.

അമേരിക്കൻ സാമ്രാജ്യത്വത്തിന്റെ പങ്ക്:
തങ്ങളുടെ ഏകധ്രുവ ലോകക്രമം നിലനിർത്താൻ അമേരിക്ക സയണിസത്തെയും തീവ്രവാദ ഗ്രൂപ്പുകളെയും ഹിന്ദുത്വത്തെയും പ്രോത്സാഹിപ്പിക്കുന്നു. ഡൊണാൾഡ് ട്രംപിന്റെ അധികാരാരോഹണം വംശീയ ഭ്രാന്തിന്റെയും കോർപ്പറേറ്റ് താൽപ്പര്യങ്ങളുടെയും പരകോടിയായാണെന്ന് കുഞ്ഞിക്കണ്ണൻ വിശദീകരിക്കുന്നു.

ഇന്ത്യൻ സാഹചര്യം:
ഇന്ത്യയിൽ സംഘപരിവാർ ഉയർത്തുന്ന ഹിന്ദുത്വ രാഷ്ട്രീയം മുസ്ലീം-ദളിത് വിരുദ്ധമായ ബ്രാഹ്മണ്യ പ്രത്യയശാസ്ത്രത്തിലധിഷ്ഠിതമാണെന്നും അത് നവഫാസിസത്തിന്റെ ഇന്ത്യൻ പതിപ്പാണെന്നും നവഫാസിസവും ലോകക്രമവും എന്ന പുസ്തകത്തിൽ കുഞ്ഞിക്കണ്ണൻ വ്യക്തമാക്കുന്നു. കോൺഗ്രസ് സ്വീകരിച്ച മൃദുസമീപനങ്ങളും നവലിബറൽ നയങ്ങളുമാണ് ഇതിന് വളമായതെന്ന് അദ്ദേഹം പറയുന്നു.