നന്യാറ്റാർജതി (Nanyattarjathi)

ഉൾക്കാട്ടിന്റെ ഭീകരതയിൽ മറഞ്ഞു കിടന്നിരുന്ന അഴുകി വികൃതമാക്കപ്പെട്ട അജ്ഞാത മൃതദേഹത്തിന്റെ നിഗൂഢതകൾ തേടിയിറങ്ങിയ അന്വേഷണ ഉദ്യോഗസ്ഥരുടെ മുന്നിൽ തെളിഞ്ഞുവന്നത് അതിസൂക്ഷ്മമായി ആസൂത്രണം ചെയ്ത ഒരു കൊലപാതകത്തിന്റെ രഹസ്യങ്ങളായിരുന്നു. ആ രഹസ്യങ്ങളുടെ വാതിൽ തുറന്ന എസ് ഐ അമിത് കുംഭാര്‍ എത്തിച്ചേർന്നത് വർഷങ്ങൾ പഴക്കമുള്ള മറ്റു ചില നിഗൂഢതകളിലേക്കും…ആ നിഗൂഢതകളുടെ ചുരുളഴിയുമ്പോൾ പുറത്തുവരുന്ന ഞെട്ടിക്കുന്ന സത്യങ്ങൾക്ക് പറയാൻ ഒരുപാട് കഥകളുണ്ടായിരുന്നു… ചതിയുടെയും വഞ്ചനയുടെയും കഥ…ആത്മാർത്ഥ പ്രണയത്തിൻ്റെ കഥ… സമൂഹത്തിൽ അവഗണിക്കപ്പെടുന്ന ട്രാൻസ്ജെൻഡറുകളുടെ വേദനയുടെയും പോരാട്ടത്തിൻ്റെയും അതിജീവനത്തിന്റെയും കഥ… ആതുര ശുശ്രൂഷയുടെ മറവിൽ നടക്കുന്ന മെഡിക്കൽ ഗാംബ്ലിംങ്ങിൻ്റെ കഥ… ഇതെല്ലാമാണ് നന്യാറ്റാർജതി…

ജന്മ ശാപം കൊണ്ട് സമൂഹത്തിൽ ഉൾവലിഞ്ഞു ജീവിക്കാൻ വിധിക്കപ്പെട്ട ഒരു കൂട്ടം മനുഷ്യരുടെ യാതനകൾ ഒരു ക്രൈം ത്രില്ലറിലൂടെ അവതരിപ്പിക്കപ്പെട്ട കൃതിയാണ് നന്യാറ്റാർജതി.

കൊലപാതകവും അന്വേഷണവും, പ്രണയവും സസ്പെൻസും, അതിജീവനത്തിനായുള്ള പോരാട്ടങ്ങളും ഒത്തുചേർന്ന ഒരു മെഡിക്കൽ ഇൻവെസ്റ്റിഗേറ്റിംഗ് ത്രില്ലർ.