ദൈവമേ നീ ആർക്ക് കൂട്ടുപോയിരിക്കുന്നു (Daivame Nee Arkku Koottupoyirikkunnu)

ഉള്ളു തൊടുന്ന ആത്മാഖ്യാനങ്ങളാണ് തന്റെ ഓരോ കഥകളുമെന്നാണ് അകാലത്തിൽ വിടപറഞ്ഞ സതീഷ്ബാബു പയ്യന്നൂർ തന്റെ രചനകളെപ്പറ്റി ഒരിക്കൽ വെളിപ്പെടുത്തിയിട്ടുള്ളത്, അതിലെത്രമാത്രം സത്യമുണ്ടെന്ന് ഒരിക്കലും വായനക്കാരൻ വ്യകുലപ്പെടുന്നില്ല. കാരണം, നമ്മുടെ ജീവിതപരിസരത്തിൽത്തന്നെ നടക്കുന്ന പച്ചയായ യാഥാർത്ഥ്യങ്ങളെയാണ് സതീഷ്ബാബു പയ്യന്നൂർ ഹൃദയരക്തംകൊണ്ട് വരച്ചിടുന്നത്. ചിക്കഗൌഡനഹല്ലിയിലെ ഒരു സായാഹ്നം, രണ്ടായിരത്തിലെ പുൽനാമ്പുകൾ, മകൾ മകൾ, എയ്റോബിക്സ്, ദൈവമേ നീയാർക്ക് കൂട്ടുപോയിരിക്കുന്നു? .ഇരുൾമഴപോലെ, താഴികക്കുടങ്ങൾ,നമ്മുടെ സാഹചര്യങ്ങളിൽ, നിലാവ്, സ്നേഹവർണ്ണങ്ങൾ എന്നിവയാണ് സതീഷ്ബാബു പയ്യന്നൂരിന്റെ ദൈവമേ നീ ആർക്ക് കൂട്ടുപോയിരിക്കുന്നു എന്ന പുസ്തകത്തിലെ ചെറുകഥകൾ. ലളിതമായി കഥപറയുകയും ഏതു സാധാരണ വായനക്കാരനും എളുപ്പം ഹൃദയത്തോടു ചേർത്തുവെയ്ക്കാനുതകുന്ന ഒരു ഭാഷ.