DCBOOKS
Malayalam News Literature Website

ഹൃദയത്തെക്കുറിച്ച് ചിന്തിക്കാന്‍ ഒരു ദിനം

ഹൃദയത്തെക്കുറിച്ച് ചിന്തിക്കാന്‍ ഒരു ദിനം. സെപ്റ്റംബറിലെ അവസാനത്തെ ഞായറാഴ്ച ഹൃദയ ആരോഗ്യ ദിനമായി ആചരിക്കുന്നു. 2017 ല്‍ സപ്റ്റംബര്‍ 29 നാണ് ഈ ദിനം.

ലോക ഹാര്‍ട്ട് ഫെഡറേഷനും യുനെസ്‌കോയും ലോകാരോഗ്യസംഘടനയും സംയുക്തമായാണ് ലോകഹൃദയാരോഗ്യദിനം ആചരിക്കുന്നത്. ഹൃദയത്തെ യുവത്വത്തില്‍ സൂക്ഷിക്കുക എന്നതാണ് ഹൃദയദിനത്തിന്റെ സന്ദേശം. ഹൃദയമിടിപ്പ് കാത്തു സൂക്ഷിക്കാനുള്ള ബോധവത്കര പരിപാടികളാണ് ഈ ദിനത്തില്‍ നടത്തുന്നത്.

ഹൃദയാരോഗ്യം കാത്തു സൂക്ഷിക്കാന്‍ എന്തെല്ലാം ചെയ്യാം എന്നുള്ളതാണ് ഈ ദിനത്തില്‍ ചിന്തിക്കേണ്ടത്. ഹൃദയത്തിന്റെ യുവത്വം കാത്തു സൂക്ഷിക്കാനുള്ള ബോധവത്കരണം നടത്തുക എന്നതാണ് യുവതലമുറയെ ഹൃദയാരോഗ്യം രക്ഷിക്കാനുള്ള ഒരേ ഒരു മാര്‍ഗ്ഗമായി കാണുന്നത്. അമിതമായ എണ്ണയുടെ ഉപയോഗവും ലഹരിപദാര്‍ത്ഥങ്ങളുടെ ഉപയോഗവും ഹൃദയത്തെ സാരമായി ബാധിക്കുമെന്നാണ് ലോകാരോഗ്യ സംഘടന നടത്തിയ പഠനങ്ങള്‍ വെളിവാക്കുന്നത്.

മദ്ധ്യവയസ്സുകാരയുടെ രോഗം എന്നറിയപ്പെടുന്ന രോഗമാണ് ഹൃദ്രോഗം. എന്നാലിന്ന് ഹൃദ്രോഗബാധയുടെ പ്രായപരിധി മദ്ധ്യവയസ്സില്‍ നിന്ന് യുവത്വത്തിലേയ്ക്കും കൗമാരത്തിലേക്കും ഇറങ്ങിവന്നുകൊണ്ടിരിക്കുന്നു. രോഗ നിയന്ത്രണത്തെപ്പറ്റി ബോധവത്കരണം ഇല്ലാത്തതാണ് ഇതിന് പ്രധാന കാരണം. നമ്മുടെ ഹൃദയത്തെ ആരോഗ്യത്തോടെ കാത്തുസൂക്ഷിക്കുവാന്‍ നാം ഓരോരുത്തരും ശ്രദ്ധിക്കേണ്ടതുണ്ട്. പക്ഷേ നമ്മുടെ ഹൃദയത്തെ എങ്ങനെ പരിപാലിക്കണം എന്നകാര്യത്തില്‍ നമ്മള്‍ അജ്ഞരാണ്. ഈ സാഹചര്യത്തിലാണ് ഹൃദയസംബന്ധമായി എഴുതപ്പെട്ടിട്ടുള്ള പുസ്തകങ്ങളെ നാം ആശ്രിക്കുന്നത്.

ഹൃദയത്തിനുണ്ടാകുന്ന രോഗങ്ങളെ ചിട്ടയായ ജീവിതരീതികൊണ്ട് എങ്ങനെ തടയും എന്നന്വേഷിക്കുന്ന പുസ്തകമാണ് ‘നമ്മുടെ ഹൃദയത്തെ പരിചരിക്കാം’.

നമ്മുടെ ഹൃദയത്തെ പരിചരിക്കാം

ഹൃദ്രോഗങ്ങള്‍, അവയുടെ കാരണങ്ങള്‍ , നിയന്ത്രണ മാര്‍ഗങ്ങള്‍ എന്നിവയെല്ലാം പുസ്തകത്തില്‍ വിവരിക്കുന്നു. രോഗം എങ്ങനെ നിയന്ത്രിക്കാം, രോഗി പിന്‍തുടരേണ്ട ജീവിത രീതികള്‍ , പരിശോധനാ മാര്‍ഗങ്ങള്‍ എന്നിവയും പുസ്തകത്തിലുണ്ട്.

ഡി.സി ബുക്‌സ് ലൈഫ് ഇംപ്രിന്റില്‍ പ്രസിദ്ധീകരിച്ചിരിക്കുന്ന പുസ്തകം എഴുതിയിരിക്കുന്നത് ഡോ റഹീനാ ഖാദറാണ്. 1947ല്‍ കൊല്ലം ജില്ലയിലെ പുനലൂരില്‍ ജനിച്ച ഡോ റഹീനാ ഖാദര്‍ കേരള സര്‍വ്വകലാശാലയില്‍ നിന്ന് പി.എച്ച്.ഡി നേടി. പോഷണ ശാസ്ത്രം, ഫിസിയോളജി, ശിശുപരിപാലനം, ഡയറ്റെറ്റിക്‌സ് എന്നീ ശാത്രവിഭാഗങ്ങളിലായി നിരവധി പുസ്തകങ്ങള്‍ രചിച്ചിട്ടുണ്ട്.

 

Comments are closed.