DCBOOKS
Malayalam News Literature Website

ഹിന്ദുതീവ്രവാദിയായിരുന്നു; ഇപ്പോഴല്ല;- രാഹുല്‍ ഈശ്വര്‍

rahul-eswarനേരത്തേ താന്‍ ഹിന്ദുതീവ്രവാദിയായിരുന്നെന്നും എന്നാല്‍ ഇപ്പോള്‍ അതില്‍ മാറ്റം വന്നെന്നും രാഹുല്‍ ഈശ്വര്‍. ഒരു ഓണ്‍ലൈന്‍ മാധ്യമത്തിനു നല്‍കിയ അഭിമുഖത്തിലാണ് താനൊരു മിതവാദിയായി മാറിയെന്ന് രാഹുല്‍ ഈശ്വറിന്റെ തുറന്നുപറച്ചില്‍. തനിക്കുണ്ടായ മാറ്റത്തില്‍ ഗാന്ധി മാര്‍ഗ്ഗത്തിലേക്ക് പരിണമിച്ച ഗോള്‍വള്‍ക്കറാണു തന്റെ മാതൃകയെന്നും രാഹുല്‍ പറയുന്നു. ഹാദിയ പ്രശ്‌നത്തിന്റെ രണ്ടുവശങ്ങളും ചര്‍ച്ചയാക്കുന്നതിന് വേണ്ടിയാണ് അവരുടെ വീട് സന്ദര്‍ശിച്ചതെന്നും ചിലര്‍ അതു മറ്റു രീതിയില്‍ ഉപയോഗിച്ചെന്നും രാഹുല്‍ പറഞ്ഞു.

മീററ്റ് ഹിന്ദുമഹാസഭയുടേയും അഭിനവ് ഭാരതിന്റെയും ഒന്നും നിലപാടുകള്‍ രാജ്യത്തിനു ഗുണകരമല്ലിന്നെന്നും കേരളത്തില്‍ സര്‍ജ്ജിക്കല്‍ സ്‌്രൈടക്ക് നടത്തണമെന്ന് റിപ്പബ്ലിക് ചാനലില്‍ വിഎച്ച്പി നേതാവ് ഇന്ദിരാ തിവാരി പറഞ്ഞത് ഒരിക്കലും അംഗീകരിക്കാന്‍ കഴിയില്ലെന്നും രാഹുല്‍ പറയുന്നു. ഒരു ദേശീയ ചാനലില്‍ വന്നിരുന്നു ഇത്തരത്തില്‍ സംസാരിക്കുന്ന ഇവര്‍ക്ക് ഭ്രാന്തുണ്ടായിരിക്കണം. ഹിന്ദുക്കളെ ഒരുമിച്ചു നിര്‍ത്തുവാനായി തീവ്ര ഹിന്ദുസംഘടനകള്‍ പശുവിനെ ആയുധമാക്കുന്നു. കേരളത്തിലും തീവ്രവലതു ഹിന്ദു സംഘടനകള്‍ വര്‍ഗീയതയും വെറുപ്പും സൃഷ്ടിക്കാന്‍ പശുവിനെ ഉപയോഗിക്കുന്നുണ്ട്. ദേശീയപതാകയിലെ മൂന്നു നിറങ്ങള്‍ ഹിന്ദുക്കളേയും (കുങ്കുമം) മുസ്ലിംകളേയും (പച്ച) കൃസ്ത്യാനികള്‍ അടങ്ങുന്ന മറ്റു ന്യൂനപക്ഷങ്ങളേയും (വെള്ള) പ്രതിനിധീകരിക്കുന്നതായാണ് ഗാന്ധിജി കണക്കാക്കിയതെന്നും രാഹുല്‍ പറഞ്ഞു.

Comments are closed.