DCBOOKS
Malayalam News Literature Website

തേൻമാവിൻ കൊമ്പിലൂടെയാണ് ഖദീജ ഏവർക്കും സുപരിചിതയാകുന്നത്

khadeeja

ആദ്യകാല ചലച്ചിത്ര നടി സി.പി. ഖദീജ (77) അന്തരിച്ചു. ബുധനാഴ്ച രാത്രി 9.15ന് എറണാകുളം വടുതല ചിന്മയ സ്‌കൂളിനു സമീപം വടുതല സ്വാഗതം റോഡിലെ വീട്ടിലായിരുന്നു അന്ത്യം. ശ്വാസകോശ അര്‍ബുദം ബാധിച്ചതിനെത്തുടര്‍ന്ന് ഏറെ നാൾ ചികിത്സയിലായിരുന്നു. പരേതനായ കെ.വി. മാത്യുവാണ് ഭര്‍ത്താവ്.

നൂറോളം മലയാള സിനിമകളിൽ അഭിനയിച്ച ഖദീജ, തേൻമാവിൻ കൊമ്പിലൂടെയാണ് ഏവർക്കും സുപരിചിതയാകുന്നത്. സിനിമാ ജീവിതത്തിൽ ഖദീജ അവസാനമായി അഭിനയിച്ച ചിത്രവും തേൻമാവിൻ കൊമ്പത്താണ്. അറുപതുകളിലും എഴുപതുകളിലും തിരക്കേറിയ നടിയായിരുന്നു ഖദീജ. 1968ല്‍ പുറത്തിറങ്ങിയ ആദ്യ മുഴുനീള ഹാസ്യചിത്രമായ ‘വിരുതന്‍ ശങ്കുവില്‍’ അടൂര്‍ഭാസിക്കും തിക്കുറിശ്ശിക്കുമൊപ്പം ഇച്ചിക്കാവ് എന്ന ശ്രദ്ധേയ വേഷം ചെയ്തിട്ടുണ്ട്. അസുരവിത്ത്, വെളുത്ത കത്രീന, തുലാഭാരം, വിലക്കപ്പെട്ട ബന്ധങ്ങൾ, കണ്ടവരുണ്ടോ, കണ്ണൂർ ഡീലക്സ് എന്നിവയാണ് ഖദീജ അഭിനയിച്ച പ്രധാന സിനിമകൾ.

Comments are closed.