DCBOOKS
Malayalam News Literature Website

ഇന്ത്യയുടെ എട്ടാമത്തെ പ്രധാനമന്ത്രിയായിരുന്ന ചന്ദ്രശേഖര്‍ സിംഗിന്റെ ചരമവാര്‍ഷികദിനം

july-8ഇന്ത്യയുടെ എട്ടാമത്തെ പ്രധാനമന്ത്രിയായിരുന്ന ചന്ദ്രശേഖര്‍ സിംഗ് 1927 ജൂലൈ 1നു ജനിച്ചു. 1962 മുതല്‍ 1967 വരെ ചന്ദ്രശേഖര്‍ രാജ്യസഭാംഗമായിരുന്നു. വി.പി. സിംഗിനോടൊപ്പം ജനതാദള്‍ മന്ത്രിസഭയില്‍ അംഗമായിരുന്ന ചന്ദ്രശേഖര്‍ ജനതാദള്‍ പിളര്‍ത്തി പുതിയ ഒരു പാര്‍ട്ടി രൂപവത്കരിച്ചു. കോണ്‍ഗ്രസ് പിന്തുണയോടെ പുതിയ മന്ത്രിസഭ രൂപവത്കരിച്ച ചന്ദ്രശേഖര്‍ ഇന്ത്യയുടെ 8)മത്തെ പ്രധാനമന്ത്രിയായി. എങ്കിലും മന്ത്രിസഭയുടെ കാലാവധി 7 മാസമേ നീണ്ടുനിന്നുള്ളൂ. കോണ്‍ഗ്രസ് പുറമേനിന്നുള്ള പിന്തുണ പിന്‍വലിച്ചപ്പോള്‍ മാര്‍ച്ച് 6, 1991ന് ചന്ദ്രശേഖര്‍ രാജിവെച്ചു. എങ്കിലും വര്‍ഷത്തിന്റെ രണ്ടാം പകുതിയില്‍ തിരഞ്ഞെടുപ്പു നടക്കുന്നതുവരെ പ്രധാനമന്ത്രിയായി തുടര്‍ന്നു. പാര്‍ലമെന്റിന്റെ നിയമങ്ങളും ചട്ടങ്ങളും അനുസരിച്ച് പ്രവര്‍ത്തിക്കുന്നതില്‍ ചന്ദ്രശേഖര്‍ എന്നും ശ്രദ്ധാലുവായിരുന്നു. 1995 ഇല്‍ ഏറ്റവും മികച്ച പാര്‍ലമെന്റ് അംഗത്തിനുള്ള അവാര്‍ഡ് ചന്ദ്രശേഖറിനു ലഭിച്ചു. ഈ അവാര്‍ഡ് ലഭിക്കുന്ന ആദ്യത്തെ വ്യക്തിയാണ് ചന്ദ്രശേഖര്‍.

2007 ജൂലൈ 8നു ദില്ലിയിലെ ഇന്ദ്രപ്രസ്ഥ അപ്പോളോ ആശുപത്രിയില്‍ വെച്ച് ചന്ദ്രശേഖര്‍ അന്തരിച്ചു.

Comments are closed.