DCBOOKS
Malayalam News Literature Website

ആന്ധ്രാപ്രദേശിലെ ജനങ്ങള്‍ ഇനിമുതല്‍ ദിനംപ്രതി ദേശീയഗാനം ആലപിക്കും..

national-atmആന്ധ്രാപ്രദേശിലെ കരിംനഗര്‍ ജില്ലയിലെ ജമ്മുകുണ്ടാ മേഖലയിലെ ജനങ്ങള്‍ ഇനിമുതല്‍ ദിനംപ്രതി ദേശീയഗാനം ആലപിക്കും. ഇന്ത്യയുടെ 70 സ്വാതന്ത്ര്യദിനം മുതലാണ് ജമ്മുകുണ്ടാ പൊലീസ് ഇത്തരമൊരു പദ്ധതി നടപ്പാക്കിയത്. ഈ പദ്ധതി പ്രകാരം ഇനി എല്ലാ ദിവസവും രാവിലെ എട്ട് മണിക്ക് പ്രദേശത്ത് ദേശീയ ഗാനം ആലപിക്കും.

സ്വാതന്ത്ര്യ ദിനം, റിപബ്ലിക്ക് ഡേ തുടങ്ങിയ അവസരങ്ങളില്‍ പോലും നമ്മുടെ ആള്‍ക്കാര്‍ ദേശീയ ഗാനം ആലപിക്കുന്നില്ലെന്നും ജനങ്ങള്‍ക്കിടയില്‍ ദേശീയ ഗാനം എത്തിക്കാനാണ് തന്റെ ശ്രമമെന്നും ജമ്മുകുണ്ടാ എസ്.ഐ പിംഗിളി പ്രശാന്ത് റെഡ്ഢി പറഞ്ഞു. ഇത്തരത്തിലൊരു പദ്ധതി ആരംഭിക്കാന്‍ ഇതിലും നല്ലൊരു ദിവസമില്ലെന്നും അദ്ദേഹം പറഞ്ഞു. തിയേറ്ററുകളില്‍ ദേശീയ ഗാനം നിര്‍ബന്ധമാക്കിയ സുപ്രീംകോടതി നിര്‍ദ്ദേശം നല്ലതാണെന്നും അദ്ദേഹം അഭിപ്രായപ്പെട്ടു. ജമ്മുകുണ്ടാ പൊലീസിന്റെ പദ്ധതിക്ക് മുതിര്‍ന്ന ഉദ്യോഗസ്ഥരുടെ പിന്തുണയുമുണ്ട്.

പദ്ധതിക്കായി മേഖലയിലെ 16 ഇടങ്ങളിലായി മൈക്ക് സെറ്റുകള്‍ സ്ഥാപിച്ചിട്ടുണ്ട്. ദേശീയ ഗാനം ആലപിക്കുന്ന സമയത്ത് എല്ലാവരും എഴുന്നേറ്റ് നില്‍ക്കുന്നുണ്ടെന്ന് ഉറപ്പുവരുത്താന്‍ വോളണ്ടിയര്‍മാരെയും പൊലീസ് തയ്യാറാക്കിയിട്ടുണ്ട്. പദ്ധതിക്ക് എല്ലാവരുടെയും പിന്തുണയുണ്ടെന്നും സ്വാതന്ത്ര്യദിനത്തിലെ ജനങ്ങളുടെ പ്രതികരണം മികച്ചതായിരുന്നെന്നും പൊലീസ് പറഞ്ഞു.

Comments are closed.