സൗന്ദര്യ രജനീകാന്ത് വിവാഹിതയായി
തമിഴ് സൂപ്പര്‍ സ്റ്റാര്‍ രജനീകാന്തിന്റെ മകളും സംവിധായികയുമായ സൗന്ദര്യ രജനീകാന്ത് വിവാഹിതയായി. നടനും വ്യവസായിയുമായ വിശാഖന്‍ വനങ്കാമുടിയാണ് വരന്‍. ചെന്നൈ ലീലാ പാലസ് ഹോട്ടലില്‍ വെച്ച് നടന്ന വിവാഹ ചടങ്ങുകളില്‍ സിനിമാ-രാഷ്ട്രീയ മേഖലകളില്‍ നിന്ന് നിരവധി പേര്‍ പങ്കെടുത്തു. തമിഴ്‌നാട് മുഖ്യമന്ത്രി എടപ്പാടി കെ.പളനിസാമി, ഡി.എം.കെ നേതാവ് എം.കെ.സ്റ്റാലിന്‍, കമല്‍ഹാസന്‍, മണിരത്‌നം, സുഹാസിനി, വാലി തുടങ്ങി നിരവധി പേര്‍ നവദമ്പതികളെ ആശീര്‍വദിക്കാനെത്തിയിരുന്നു.
സൗന്ദര്യയുടെ രണ്ടാം വിവാഹമാണിത്. 2010-ല്‍ സൗന്ദര്യയും വ്യവസായിയുമായ അശ്വിനുമായുള്ള വിവാഹം നടന്നിരുന്നു. 2017-ല്‍ വിവാഹമോചനം നേടി. ഈ ബന്ധത്തില്‍ ഏഴു വയസ്സുള്ള ഒരു മകനുണ്ട്. വിശാഖന്‍ വനങ്കാമുടിയുടേയും രണ്ടാം വിവാഹമാണ് ഇത്.
Comments are closed.