ടാഗോറിന്റെ കഥകളും നോവലുകളും കവിതകളും അടങ്ങുന്ന മൂന്ന് വ്യത്യസ്ത സമാഹാരങ്ങള് ഡിസംബര് അഞ്ചിന് പുറത്തിറങ്ങുന്നു. ടാഗോര് കഥകള് സമ്പൂര്ണം, ടാഗോര് കവിതകള്, ടാഗോര് നോവലുകള്: ഗോറ, യോഗായോഗ്, ഉദ്യാനം എന്നിവയാണ് തിരുവനന്തപുരത്തു നടക്കുന്ന ഡി സി അന്താരാഷ്ട്ര പുസ്തകമേളയില് പ്രകാശനം ചെയ്യുന്നത്. വൈകിട്ട് അഞ്ചു മണിക്ക് നടക്കുന്ന ചടങ്ങില് റൂമിയുടെ 101 പ്രണയഗീതങ്ങള്, ബാഷോയുടെ കവിതകള് എന്നീ പുസ്തകങ്ങളും പ്രകാശിപ്പിക്കും.
സാമൂഹ്യക്ഷേമ വകുപ്പു മന്ത്രി ഡോക്ടര് എം കെ മുനീര്, പൊതുവിദ്യാഭ്യാസ വകുപ്പ് സെക്രട്ടറി അജിത്കുമാര് ഐ എ എസ്, പ്രൊഫസര് വി മധുസൂദനന് നായര്, സ്വാമി സന്ദീപാനന്ദഗിരി, പുതുശ്ശേരി രാമചന്ദ്രന്, മധുപാല്, റഫീക്ക് അഹമ്മദ്, എം ജി ശശിഭൂഷണ്, ലിസി ജേക്കബ്, സുന്ദരന് ധനുവെച്ചപുരം, പി രവികുമാര്, കെ സി അജയകുമാര്, മേഘാ സുധീര്, എം പി സലില തുടങ്ങിയവര് ചടങ്ങില് പങ്കെടുക്കും.
ടാഗോര് കൃതികള്, ഗീതാഞ്ജലി, നാല് അധ്യായങ്ങള്, മിന്നാമിനുങ്ങുകള്, ഉദ്യാനപാലകന്, അയാള്, വീണ്ടും ലോകവും, വിനോദിനി, കാബൂളിവാലയും മറ്റു കുട്ടിക്കഥകളും എന്നീ പുസ്തകങ്ങള് ഡി സി മലയാളത്തില് പുറത്തിറക്കിയിരുന്നു.
