‘വണ്‍ ഹെല്‍ ഓഫ് എ ലവര്‍’; ഉണ്ണി ആര്‍ കഥകളുടെ ഇംഗ്ലീഷ് പതിപ്പ് പുറത്തിറങ്ങി
മലയാളത്തിലെ ശ്രദ്ധേയനായ കഥാകൃത്ത് ഉണ്ണി ആര്‍ രചിച്ച കഥകളുടെ ഇംഗ്ലീഷ് പതിപ്പ് വണ്‍ ഹെല്‍ ഓഫ് എ ലവര്‍ പുറത്തിറങ്ങി. ലീല, ഒരു ഭയങ്കര കാമുകന്‍, വാങ്ക് തുടങ്ങി പത്തൊന്‍പത് കഥകളാണ് ഈ കൃതിയില്‍ സമാഹരിച്ചിരിക്കുന്നത്. വെസ്റ്റ്‌ലാന്റ് ബുക്സ് പ്രസിദ്ധീകരിച്ചിരിക്കുന്ന ജെ.ദേവികയാണ് ഇംഗ്ലീഷിലേക്ക് പരിഭാഷപ്പെടുത്തിയിരിക്കുന്നത്.
ചരിത്രത്തെയും ജീവിതത്തെയും നിലവിലുള്ള വീക്ഷണത്തില്‍ നിന്ന് മാറി പുനര്‍വായനയ്ക്ക് വിധേയമാക്കുന്ന ഉണ്ണി ആറിന്റെ രചനകള്‍ പൂര്‍വ്വമാതൃകകളില്ലാത്തവയാണ്. എഴുത്തിലും ഭാഷയിലും വ്യത്യസ്തമായ ശൈലി സ്വീകരിക്കുന്ന ഉണ്ണി ആറിന്റെ കഥകള്‍ സാമൂഹ്യവിമര്‍ശനം കൂടി ഉള്‍ച്ചേര്‍ന്നതാണ്. തന്റെ അമ്മയ്ക്കും ഭാര്യക്കും മകള്‍ക്കുമായാണ് ഉണ്ണി ആര്‍ ഈ പുസ്തകം സമര്‍പ്പിച്ചിരിക്കുന്നത്. ‘എഴുത്തിന്റെ പേരില്‍ എഴുത്തുകാര്‍ കൊല്ലപ്പെടുന്ന ഈ കാലത്ത് എന്റെ എഴുത്തുകള്‍ക്കൊപ്പം ഈ മൂന്നു പേരും നിന്നതിന്…”.ഉണ്ണി ആര്‍ കുറിക്കുന്നു.
Comments are closed.