1949 ഡിസംബര് 22 രാവിലെ സെന്റ് പീറ്റേഴ്സ് ബര്ഗിലെ സെമെനോവ്സ്കി ചത്വരത്തില് ഫയറിംഗ് സ്ക്വാഡിനു മുമ്പില് വെടിവെച്ചു കൊല്ലപ്പെടാന് കാത്തുനില്ക്കുകയായിരുന്നു ഫ്യോദോര് ഡൊസ്റ്റോയേവ്സ്കി. കുറ്റപത്രം വായിച്ചുതീര്ന്ന് മൂന്നു തടവുകാരെ വെടിവെയ്ക്കാനായി മുന്നിലേക്ക് കയറ്റിനിര്ത്തി. നമ്മളെ കൊല്ലാന് ഒരു സാധ്യതയുമില്ലെന്ന് സഹതടവുകാരനോട് ഡോസ്റ്റൊയേവ്സ്കി പറഞ്ഞു. അത്ഭുതം പോലെ വധശിക്ഷ ഒഴിവായി. ഏതാനും ദിവസങ്ങള്ക്കുള്ളില് ആ തടവുകാര് സൈബീരിയയിലേക്ക് നാടുകടത്തപ്പെട്ടു. ക്രിസ്മസിനു തലേന്ന് നാടുകടത്തപ്പെട്ട ഡോസ്റ്റൊയേവ്സ്കി സൈബീരിയയുടെ ദുരിതഹിമത്തില്നിന്ന് നാലു വര്ഷത്തിനു ശേഷം മടങ്ങിയെത്തുമ്പോഴേയ്ക്കും മനുഷ്യാനുഭവങ്ങളെയും ആന്തര സംഘര്ഷങ്ങളെയും മനുഷ്യ [...]
ജീവിതത്തിന്റെ മായികാനുഭവങ്ങള് സ്ത്രീപുരുഷ ബന്ധങ്ങളിലൂടെ അനാവരണം ചെയ്യുന്നവയാണ് പി അയ്യനേത്തിന്റെ രചനകള് . വാഴ്വേ മായം, വേട്ട, ഇവിടെയെല്ലാം പൊയ്മുഖം തുടങ്ങിയ പ്രശസ്ത നോവലുകള്ക്കുശേഷം അവസാനകാലത്തെഴുതിയ നിര്ദ്ധാരണം എന്ന നോവലും അതില്നിന്ന് വിഭിന്നമല്ല. ഭാവസുന്ദരവും അസാധാരണവുമായ അയ്യനേത്തിന്റെ രചനാവൈഭവം ഈ നോവലിലും തെളിഞ്ഞുകാണാം. സിനിമാ താരവും നര്ത്തകിയുമായ മൃണാളിനീദേവിയും ചലച്ചിത്ര സംവിധായകന് മനുകുമാറും ഭാര്യാഭര്ത്താക്കന്മാരെപ്പോലെയാണ് ജീവിച്ചിരുന്നത്. മനുകുമാറിന്റെ സുഹൃത്തും ബിസിനസ്സുകാരനും ആയ ബാലചന്ദ്രന് മൃണാളിനിയെ വിവാഹം കഴിക്കുന്നതിന്റെ തലേന്നുപോലും മനുവും മൃണാളിനിയും വിലക്കപ്പെട്ട കനി ഭക്ഷിച്ചു. വിവാഹശേഷം [...]
നദി കടന്നെത്തിയ പരദേശിയായ കാലമ്മൂപ്പന് ചാവുകരയുടെ കടിഞ്ഞാണ് കയ്യിലേന്തി. ചാവുകരയിലെ മനുഷ്യരുടെയും തിര്യക്കുകളുടെയും സസ്യലതാദികളുടെയും വിധി അതോടെ ആ പുതിയ ദൈവത്തിന്റെ കയ്യിലായി. കാലമ്മൂപ്പന്റെ അനുവാദം കൂടാതെ ചാവുകരയില് ഒരു പൂവ് പോലും വിരിഞ്ഞില്ല. തന്റെ ആഗമനത്തെ വിളിച്ചറിയിക്കാനായി അതിഭീകരമായ ഒരു വരള്ച്ച സൃഷ്ടിച്ച് ചാവുകരക്കാരെ ദൈവം പരിഭ്രാന്തിയിലാക്കി. ചാവുകര പിന്നെ ഭരിച്ചത് കാലമ്മൂപ്പനായിരുന്നു. ദേശവാസികള് അമ്പലം പണിത് കാലമ്മൂപ്പനെ അവിടെ കുടിയിരുത്തി. നദിയും ദേശവും വയലുകളും മലകളും മലിനമാക്കി കാലമൂപ്പന് തിമിര്ക്കെ ഒരവതാരം അനിവാര്യമാവുകയാണ്. തിന്മയെ [...]
മനുഷ്യന്റെ സുഖഭോഗ തൃഷ്ണയുടെ എക്കാലത്തെയും മികച്ച പ്രതീകമാണ് യയാതി. വാര്ദ്ധക്യത്തെ വെറുത്ത് എന്നും യുവാവായി കഴിയാനാഗ്രഹിച്ച മഹാരാജാവ് സ്വന്തം മകന്റെ യൗവ്വനം ദാനം വാങ്ങാന് മടിച്ചില്ല. വ്യാസവിരചിതമായ മഹാഭാരതത്തിലെ അനേകം ഉപാഖ്യാനങ്ങളിലൊന്നായ യയാതിയുടെ പ്രതിബിംബങ്ങള് നമ്മിലോരോരുത്തരിലുമുണ്ട്. യൗവ്വനം നിലനിര്ത്താന് മരുന്നുകള്ക്കും ശസ്ത്രക്രിയകള്ക്കും പിന്നാലേ പോകാന് മടിക്കാത്തവര് യയാതിയുടെ പിന്മുറക്കാരാണ്. നരയ്ക്കുന്ന മുടിയിഴകളെ കറുപ്പിക്കാനും മുഖത്തെ ചുളിവുകള് ചമയമികവിനാല് മറയ്ക്കാനും ശ്രമിക്കുന്നവരിലുമുണ്ട് യയാതിയുടെ ചില അംശങ്ങള്. മഹാഭാരതത്തിലെ ശാകുന്തളകഥയ്ക്ക് കാളിദാസന് സ്വന്തം ഭാഷ്യം ചമച്ച് കൂടുതല് സുന്ദരമാക്കിയതുപോലെയാണ് വി.എസ്.ഖാണ്ഡേക്കറുടെ [...]
അഫ്ഗാനിസ്ഥാനിന്റെ സമകാലികാവസ്ഥയും രാഷ്ട്രീയ മത ഘടനയും എഴുത്തിന് വിഷയമാക്കിയ ഖാലിദ് ഹൊസൈനിയുടെ പുതിയ നോവല് വരുന്നു. ആന്ഡ് ദി മൗണ്ടന്സ് എക്കോഡ് എന്നു പേരിട്ടിരിക്കുന്ന നോവല് ബ്ലൂംസ്ബെറിയാണ് പ്രസിദ്ധീകരിക്കുന്നത്. മേയ്21ന് പുസ്തകം പുറത്തിറങ്ങും. ആഗോളീകരണകാലഘട്ടത്തിലെ വിസ്ഫോടനാവസ്ഥകള് പ്രമേയമാക്കിയ കൈറ്റ് റണ്ണര് എന്ന നോവലാണ് ഖാലിദ് ഹൊസൈനി ആദ്യം രചിച്ചത്. 1980ല് ജന്മദേശമായ അഫ്ഗാന്സ്ഥാന് വിട്ട് കുടുംബാംഗങ്ങളോടൊപ്പം അമേരിക്കയില് രാഷ്ട്രീയാഭയം പ്രാപിച്ച ഹൊസൈനി 2003ല് കൈറ്റ് റണ്ണര് രചിച്ചത് ശക്തമായ അനുഭവങ്ങളുടെ പിന്ബലത്തിലായിരുന്നു. അതുകൊണ്ടുതന്നെ നോവല് പെട്ടന്ന് ജനശ്രദ്ധ [...]
പ്രമുഖ സാഹിത്യകാരന് ചേതന് ഭഗതിന്റെ സഹോദരനും സോഫ്റ്റ്വെയര് എഞ്ചിനീയറും അവതാരകനുമായ കേതന് ഭഗതിന്റെ ആദ്യനോവല് കംപ്ലീറ്റ്/കണ്വീനിയന്റ് പുറത്തിറങ്ങി. സ്വന്തം ജീവിതത്തില്നിന്ന് കേതന് പകര്ത്തിയ നോവല് പറയുന്നത് ഇന്ത്യയിലെ പ്രവാസി കുടുംബങ്ങളുടെ അവസ്ഥയാണ്. പ്രവാസി കുടുംബങ്ങളുടെ കഥ പറയുമ്പോള് എല്ലാവരും സ്ത്രീ കേന്ദ്രീകൃതമായാണ് ചിന്തിക്കുന്നതെങ്കിലും കേതന് ചിന്തിക്കുന്നത് പുരുഷന്റെ വീക്ഷണകോണിലാണ്. സൗഹൃദത്തിനും പ്രണയത്തിനും തമാശകള്ക്കും ഉപരിയായി ഒരു പുരുഷന് പലതും പറയാനുണ്ടെന്ന് കേതന് അഭിപ്രായപ്പെടുന്നു. അടുത്തകാലത്ത് ഏറെ ചര്ച്ച ചെയ്യപ്പെടുന്ന ബ്രൊമാന്സിലുമധികം ചിലതുണ്ടെന്ന് കേതന് ചൂണ്ടിക്കാട്ടുന്നു. സത്യം കമ്പ്യൂട്ടര് [...]
ജീവിതത്തില് നേട്ടങ്ങള് കൈവരിക്കാന് ഉത്സുകയായിരുന്നു എവ്ലിന് ബാഗ്ബൈ. അവള്ക്കു കൈമുതലായി ഉണ്ടായിരുന്നതാകട്ടെ തന്റെ ചെമ്പന് മുടിയും ദൗര്ഭാഗ്യങ്ങളും മാത്രമായിരുന്നു. ഹോളീവുഡിലെത്തി അറിയപ്പെടുന്ന സിനിമാതാരമാവണമെന്നായിരുന്നു അവളുടെ ആഗ്രഹം. അതിന് അവളെ സഹായിക്കാമെന്നേറ്റ ആള് അവളുടെ സ്വത്തും ശരീരവും കവര്ന്ന് കടന്നുകളഞ്ഞു. പിന്നീട് ഒരു ഹോളീവുഡ് താരത്തിന്റെ രണ്ടാം ഭര്ത്താവായി കഴിയുന്ന അയാളെത്തേടി എവ്ലിന് പുറപ്പെട്ടു. അങ്ങനെയാണ് സ്വപ്ന നഗരിയായ ഹോളീവുഡില് എവ്ലിന് എത്തിയത്. അവിടെ അവളെ കാത്തിരുന്നത് കൊടിയ ദുരന്തങ്ങളായിരുന്നു. വജ്രാഭരണ മോഷണക്കേസില് പെട്ട് കോടതിയിലെത്തിയ എവ്ലിനു തുണയായി [...]
വെടിയുപ്പും ഗന്ധകവും പനയോലയും പൊട്ടാസും സൃഷ്ടിക്കുന്ന വര്ണപ്രപഞ്ചവും ശബ്ദ വിസ്മയവും. അവിടെ ചെറിയൊരു പാളിച്ച പറ്റിയാല് മതി എല്ലാം അഗ്നി ജ്വാലകളായി ആളിപ്പടരും. ജീവിതങ്ങള് ചിതറിത്തെറിക്കും. അപകടങ്ങള് തുടര്ക്കഥയാവുമ്പോഴും അന്നന്നത്തെ അന്നത്തിനായി രാപകലില്ലാതെ കരിമരുന്നുശാലകളില് വിയര്പ്പൊഴുക്കുകയാണ് നൂറു കണക്കിനു പേര് . അവര്ക്കിടയില് പുകയുന്ന പകയുടെയും പ്രതികാരത്തിന്റെയും സ്നേഹത്തിന്റെയും വിദ്വേഷത്തിന്റെയും കാമത്തിന്റെയും കഥയാണ് കരിമരുന്ന് എന്ന നോവലിലൂടെ പി ആര് നാഥന് പറയുന്നത്. കേള്വികേട്ട വെടിക്കെട്ടുകാരനായ വീരന് ചെട്ടിയാരുടെ ഏക മകന് മുരുകനാണ് കരിമരുന്നിലെ പ്രധാന കഥാപാത്രം. [...]
വായനക്കാരെ ആകാംക്ഷയുടെ മുള്മുനയില് നിര്ത്താന് ലോകമെങ്ങും തരംഗം സൃഷ്ടിച്ച ഡാവിഞ്ചി കോഡിന്റെ രചയിതാവ് ഡാന് ബ്രൗണ് വീണ്ടും … ഒപ്പം അദ്ദേഹത്തിന്റെ പ്രിയ കഥാപാത്രം റോബര്ട്ട് ലാങ്ങ്ടണുമുണ്ട്. ഡാന് ബ്രൗണിന്റെ മുന് രചനകളെപ്പോലെ ഒരു ത്രില്ലറാണ് മെയ് പതിനാലിന് പുറത്തിറങ്ങിയ പുതിയ നോവല് ഇന്ഫെര്ണോയും. ഡാന്തേയുടെ വിഖ്യാതരചനയായ ഡിവൈന് കോമഡിയുടെ ചുവടുപിടിച്ചുള്ള നിഗൂഢ യാത്രയാണ് ഇന്ഫെര്ണോ. പ്രാചീന മത ചിഹ്ന വിദഗ്ധന് റോബര്ട്ട് ലാങ്ങ്ടണ് തന്നെയാണ് ഇക്കുറിയും നിഗൂഢതകളുടെ ചുരുളഴിക്കാന് എത്തുന്നത്. 40 ലക്ഷം കോപ്പികളാണ് ആദ്യപതിപ്പായി [...]
അമേരിക്കയില് വളര്ന്ന് ഉപരിപഠനത്തിനും സാമൂഹ്യസേവനത്തിനുമായി ഇന്ത്യയിലെത്തിയ പത്തൊമ്പതുകാരിയായ മകളുടെ ദുരൂഹ ആക്സിഡന്റിന്റെ പിന്നിലുള്ള സത്യങ്ങള് അറിയാന് ശ്രമിക്കുന്ന കൃഷ്ണമൂര്ത്തി… ഭര്ത്താവിന്റെ തിരോധാനത്തോടെ ഒറ്റക്ക് മക്കളെ വളര്ത്തേണ്ടി വന്ന മീര… ഇവരുടെ കഥയാണ് പ്രസിദ്ധ ഇന്ത്യന് ഇംഗ്ലീഷ് എഴുത്തുകാരി അനിത നായരുടെ ‘ ലസണ്സ് ഇന് ഫോര്ഗറ്റിംഗ്’ എന്ന നോവലില് പറയുന്നത്. കൃഷ്ണമൂര്ത്തിയുടെ അന്വേഷണത്തില് മീരയും പങ്കാളിയാവുന്നു. ആ അന്വേഷണം ചെന്നെത്തുന്നത് ആധുനിക ഇന്ത്യന് സമൂഹത്തിലെ പെണ്കുട്ടികള് നേരിടുന്ന പ്രശ്നങ്ങളിലാണ്. അതാവട്ടെ വായനക്കാരന്റെ ഹൃദയങ്ങളില് ആഴത്തില് ചലനം സൃഷ്ടിക്കുന്നതും സ്വന്തം [...]
