നിങ്ങളുടെ ഈ ആഴ്ച (ഫെബ്രുവരി 12 മുതല്‍ 18 വരെ)

astro
അശ്വതി
പൊതുപ്രവര്‍ത്തകര്‍ക്ക് അപവാദങ്ങളെ നേരിടേണ്ടിവരും. എങ്കിലും സത്യസന്ധമായ പ്രവര്‍ത്തനത്തിലുടെ അതിജിവിക്കുവാന്‍ സാധിക്കും. വളരെ നാളായി ആഗ്രഹിച്ചിരുന്നവ ഫലവത്താകും ധനപരമായ സ്രോതസ്സുകള്‍ക്ക് തടസ്സം വന്നേക്കാം. വിദേശയാത്രകള്‍ക്ക് അവസരം കൈവരും. ഔദ്യോഗിക രംഗത്ത് ഉയര്‍ച്ചയും സ്ഥാനക്കയറ്റവും പ്രതീക്ഷിക്കാം.

ഭരണി
വീടിന്റെ പണി ആരംഭിക്കും തുടങ്ങിവച്ച ഗൃഹത്തിന്റെ പണികള്‍ പൂര്‍ത്തികരിക്കുവാനും കഴിയും. സ്ത്രീകള്‍ക്ക് കര്‍മ്മരംഗത്ത് ഉയര്‍ച്ച ഉണ്ടാകും. തൊഴില്‍മേഖലയില്‍ നേട്ടങ്ങളും സാമ്പത്തിക പുരോഗതിയും ഉണ്ടാകും. കലാസാഹിത്യ രംഗത്ത് പ്രവര്‍ത്തിക്കുന്നവര്‍ക്ക് അനുകൂലസമയമാണ്. വിവാഹം താമസിച്ചവര്‍ക്ക് അത് നടക്കും

കാര്‍ത്തിക
ശത്രൂക്കള്‍ കൂടുതല്‍ കരുത്തോടെ പ്രവര്‍ത്തിക്കാനിടവരും.തൊഴില്‍ മേഖലയില്‍ ആവിശ്യമില്ലാതെ തര്‍ക്കങ്ങളും വ്യവഹാരങ്ങളും വന്നു ചേരാം.കാര്‍ഷികമേഖലയില്‍ കാര്യവിജയവും ധനവലബ്ധിയും ഉണ്ടാകും. വ്യാപാരവ്യവസായികമേഖലയില്‍ ഉണര്‍വ്വ് പ്രതീക്ഷിക്കാം. പൊതു പ്രവര്‍ത്തകര്‍ക്ക് അത്ര നല്ല സമയമല്ല. സമൂഹത്തില്‍ ഉണ്ടായിരുന്ന പ്രശസ്തിക്കും കോട്ടം തട്ടും.

രോഹിണി
വിദ്യാര്‍ത്ഥികള്‍ക്ക് പഠിത്തത്തിന് നല്ല സമയമാണ്. കൂടുതല്‍ ശ്രദ്ധയും പരീക്ഷയില്‍ നല്ല വിജയവും കരസ്ഥമാക്കും.സ്ത്രീകള്‍ക്ക് സഹപ്രര്‍ത്തകരില്‍ നിന്ന് ശത്രുതയും വിരോധവും ഉണ്ടാകും. എങ്കിലും അംഗീകാരും പ്രശസ്തിയും തേടിയെത്തും. പൂര്‍വ്വകാലസുഹൃത്തുക്കളുമായി സൗഹൃദം പങ്കുവയ്ക്കാന്‍ അവസരം കൈവരും വാഹനസംബന്ധമായ ചില അപകടങ്ങള്‍ക്ക് സാദ്ധ്യത.

മകയിരം
ഊഹക്കച്ചവടക്കാര്‍ക്ക് സാമ്പത്തിക പുരോഗതി ഉണ്ടാകും. വിദ്യാര്‍ത്ഥികള്‍ക്ക് കൂടുതല്‍ നേട്ടങ്ങളും ഉപരിപഠനസാദ്ധ്യതകളും പ്രതീക്ഷിക്കാം , സഹോദസ്ഥാനീയര്‍ക്ക് ആരോഗ്യപരമായ പ്രശ്‌നങ്ങളും രോഗങ്ങളും വന്നുഭവിക്കാം. വാഹനസംബന്ധമായ ഇടപാടുകളില്‍ സാമ്പത്തിക നഷ്ടങ്ങള്‍ക്ക് സാദ്ധ്യതയുണ്ട് വിവാഹം താമസിച്ചവര്‍ക്ക് വിവാഹത്തിന് അനുകൂല സമയമാണ്. വൈദ്യുതി അഗ്‌നി ഇവയില്‍ അപകടങ്ങള്‍ ഉണ്ടാകാം.

തിരുവാതിര,
സ്ത്രീകള്‍ക്ക് പ്രത്യേകിച്ച് വീട്ടമ്മമാര്‍ക്ക് അത്ര നല്ല സമയമല്ല സൂക്ഷമതക്കുറവുകൊണ്ട് അബദ്ധങ്ങളും വിഷമതകളും വന്നുഭവിക്കാം.കുടുംബത്തില്‍ സന്തോഷവും സമാധാനപൂര്‍ണ്ണവുമായ അന്തരീക്ഷം നിലനില്‍ക്കും. സ്വത്ത് സംബന്ധമായി നിലനിന്നിരുന്ന തര്‍ക്കങ്ങള്‍ക്ക് പരിഹാരം കാണും. തൊഴില്‍ മേഖലയില്‍ സാമ്പത്തികനേട്ടവും ഉണ്ടാകുന്ന കാലമാണ്.വ്യപാരവാണിജ്യ മേഖല കൂടുതല്‍ ഉണര്‍ന്ന് പ്രവര്‍ത്തിക്കുകയും ധനാഗമമാര്‍ഗ്ഗങ്ങള്‍ വര്‍ദ്ധിക്കുകയും ചെയ്യും.

പുണര്‍തം
ആദ്ധ്യാത്മികമായ ചില പ്രവര്‍ത്തനങ്ങളിലേര്‍പ്പെടുവാന്‍ ഇടവരും. ഗൃഹനിര്‍മ്മാണം പൂര്‍ത്തിയാക്കുവാന്‍ ചില തടസ്സങ്ങള്‍ നേരിടും. ഔദ്യോഗികരംഗത്ത് ഉന്നതസ്ഥാനീയരില്‍ നിന്നും അനുകൂലമായ തീരുമാനങ്ങള്‍ ഉണ്ടാകും. ഊഹക്കച്ചവടക്കാര്‍ക്ക് നല്ല സമയമല്ല. പൂര്‍വ്വികസ്വത്ത് ലഭിക്കുന്നതിന് ചില തടസ്സങ്ങളും ഇതുമൂലം ചില വ്യവഹാരങ്ങളും ഉണ്ടാകും.

പൂയം
വിദ്യാര്‍ത്ഥികള്‍ക്ക് പരീക്ഷാവിജയവും പഠനത്തില്‍ ഉത്സാഹവും ഉണ്ടാകും. തൊഴില്‍ അന്വേഷകര്‍ക്ക് അനുകൂലമായ കാലമാണ് വിദേശത്ത് ജോലി ലഭിക്കുന്നതിനും സാദ്ധ്യത കാണുന്നു. സ്ത്രീകള്‍ക്ക് ആരോഗ്യപരമായി അത്ര നല്ലസമയമല്ല, ചില പ്രശ്‌നങ്ങള്‍ മനസ്സിനേയും ശരീരത്തേയും അലട്ടിക്കൊണ്ടിരിക്കും

ആയില്യം
പലതരത്തിലുള്ള അനുകൂലഫലങ്ങള്‍ കിട്ടാന്‍ സാദ്ധ്യതയുള്ള സമയമാണെങ്കിലും ചില തടസ്സങ്ങള്‍ വന്നുകൂടുവാന്‍ ഇടയുണ്ട് ആരോഗ്യനില അത്ര തൃപ്തികരമാകില്ല ത്വക്ക് രോഗങ്ങള്‍ മാനസികസമര്‍ദ്ദങ്ങള്‍ക്ക് കാരണമാകും.സ്ത്രീകള്‍ക്ക് ശത്രുക്കളില്‍ നിന്ന്ചില പീഡകള്‍ ഉണ്ടാകാം. വിവാഹാര്‍ത്ഥികള്‍ക്ക് വിവാഹത്തിന് അനുകൂലസമയമാണ് മനസ്സിനിണങ്ങിയ ബന്ധങ്ങള്‍ ലഭിക്കുവാന്‍ സാദ്ധ്യത കാണുന്നു.

മകം
പൊതു പ്രവര്‍ത്തകര്‍ക്ക് നേട്ടങ്ങള്‍ ഉണ്ടാകുവാനും അതില്‍ അഭിമാനിക്കുവാനും ഇടവരും. ഔദ്യോഗികരംഗത്ത് ഏറ്റെടുത്ത കാര്യങ്ങള്‍ വിജയകരമായി പൂര്‍ത്തിയാക്കുവാന്‍ സാധിക്കും. ഗൃഹനിര്‍മ്മാണ പ്രവര്‍ത്തനങ്ങള്‍ ത്വരിതഗതിയില്‍ നടക്കും.സാമ്പത്തിക നേട്ടങ്ങളും കര്‍മ്മരംഗത്ത് വിജയവും പ്രതീക്ഷിക്കാം. വിദ്യാര്‍ത്ഥികള്‍ക്ക് പഠിത്തത്തിന് അനുകുലസമയമാണ്.

പൂരം
ഉത്രം  പുതിയ വാഹനങ്ങള്‍ വാങ്ങുന്നതിനും പഴയവാഹനങ്ങള്‍ മാറി വാങ്ങുന്നതിനും സാധിക്കും.ഔദ്യോഗികരംഗത്ത് ഏറ്റെടുത്ത കാര്യങ്ങള്‍ വിജയകരമായി പൂര്‍ത്തിയാക്കുവാന്‍ സാധിക്കും. ഉദ്യോഗരംഗത്ത് ഏറ്റെടുത്ത പ്രവര്‍ത്തികള്‍ വിജയകരമായി പൂര്‍ത്തിയാക്കുവാന്‍ കഴിയും. വിദ്യാര്‍ത്ഥികള്‍ക്ക് പഠനത്തില്‍ പുരോഗതിയും ഉപരിപഠനസാദ്ധ്യതയും കാണുന്നു. വിവാഹാര്‍ത്ഥികള്‍ക്ക് അനുകൂലമായ സമയമാണ്.

ഉത്രം
യാത്രാദുരിതം, യാത്ര കൊണ്ട് അനാവശ്യധനനിഷ്ടം, പൊതു പ്രവര്‍ത്തകര്‍ക്ക് അനുകൂലസമയമല്ല അനാവശ്യമായി ചില ആരോപണങ്ങള്‍ കേള്‍ക്കാനിടവരും. സ്ത്രീകള്‍ ചില അബദ്ധങ്ങളിലകപ്പെടുവാന്‍ സാദ്ധ്യതയുണ്ട്. ആഡംബരവസ്തുക്കളും യന്ത്രസാമഗ്രികളും വാങ്ങുകവഴി കൂടുതല്‍ ധനം ചെലവിടാനിടയാകും. വിദേശയാത്ര ആഗ്രഹിക്കുന്നവര്‍ക്ക് അത് സാധിക്കും. മാതാപിതാക്കളുടെ അരിഷ്ടതകള്‍ മൂലം മനസ്സമാധാനം കുറയും.

അത്തം
വിനോദയാത്രയ്ക്ക് പുണ്യക്ഷേത്രങ്ങള്‍ സന്ദര്‍ശിക്കുന്നതിനു ഇടവരും. വളരെ നാളായി നടത്തിയിരുന്ന വ്യവഹാരങ്ങള്‍ക്ക് വിജയം കണ്ടെത്തും. . പൊതുപ്രവര്‍ത്തകര്‍ക്ക് അത്ര നല്ല സമയമല്ല. ചില വിവാദങ്ങളിലകപ്പെടുവാന്‍ സാദ്ധ്യതയുണ്ട്. കലാസാഹിത്യമേഖലയില്‍ പ്രവര്‍ത്തിക്കുന്നവര്‍ക്ക് ഗുണകരമായ ചില പരിവര്‍ത്തനങ്ങള്‍ക്ക് സാദ്ധ്യതയുണ്ട്. കാര്‍ഷിക രംഗത്ത് പുരോഗതിയും സാമ്പത്തികമായി പുഷ്ടിപ്പെടുകയും ചെയ്യും കുടുംബത്തില്‍ ഉണ്ടായിരുന്ന അസ്വാരസ്യങ്ങള്‍ക്ക് ഒരു പരിധിവരെ അയവുണ്ടാകും.

ചിത്തിര
തൊഴില്‍മേഖലയില്‍ അഭിവൃദ്ധിയും തൊഴില്‍ അന്വേഷകര്‍ക്ക് തൊഴിലും ലഭിക്കുന്നതിന് സാധ്യതയുണ്ട്. വാഹനം കൈകാര്യം ചെയ്യുന്നവര്‍ ശ്രദ്ധയോടെവേണം ഉപയോഗിക്കുവാന്‍ കഴിവതും ദൂരയാത്രകള്‍ ഒഴിവാക്കുക. വാഹനസംബന്ധമായ അപകടംമൂലം ധനനഷ്ടത്തിനിടയുണ്ട്. സ്ത്രീകള്‍ക്ക് അനുകൂലമായ സമയമാണ്. അപ്രതീക്ഷിതമായ ചില ബഹുമതികളും ധനലാഭവും പ്രതീക്ഷിക്കാം. സന്താനങ്ങള്‍ മൂലം മനസ്സസമാധാനവും ഗുണങ്ങളും ലഭിക്കും.

ചോതി
വിദ്യാര്‍ത്ഥികള്‍ക്ക് അനുകൂലസമയമാണ്. വിദേശത്ത് തൊഴില്‍ ചെയ്യുന്നവര്‍ക്ക് പുരോഗതിയും വിദേശയാത്ര ആഗ്രഹിക്കുന്നവര്‍ക്ക് അത് സഫലീകരിക്കുവാനും സാധിക്കും. സന്താനങ്ങള്‍ മൂലം മനസ്സസമാധാനവും ഗുണങ്ങളും ലഭിക്കും. പുണ്യസ്ഥലങ്ങള്‍ സന്ദര്‍ശിക്കുവാനും വിദേശയാത്രകള്‍ നടത്തുവാനും അവസരം കൈവരും വിവാഹാര്‍ത്ഥികള്‍ക്ക് ഈ കാലഘട്ടം പൊതുവില്‍ അനുകൂലമാണ്.

വിശാഖം
സ്ത്രീകള്‍ക്ക് അത്ര നല്ല സമയമല്ല സംസാരശൈലി കൊണ്ടും പ്രവര്‍ത്തിക്കൊണ്ടും ചിലകഷ്ടതകളില്‍ ചെന്നുപെടാന്‍ സാദ്ധ്യതയുള്ളതിനാല്‍ വളരെ ശ്രദ്ധവേണം. പൊതു പ്രവര്‍ത്തകര്‍ ഭാവിയെ മുന്നില്‍ കണ്ടുകൊണ്ട് ചില പ്രവര്‍ത്തനങ്ങളിലേര്‍പ്പെടാനും അത് വിജയിക്കുവാനും സാദ്ധ്യത കാണുന്നു.

അനിഴം
വിദ്യാര്‍ത്ഥികള്‍ക്ക് അനുകൂലമായ കാലമാണ്. ഉന്നത വിദ്യാഭ്യാസത്തിനിടയുണ്ട്.ആരോഗ്യപരമായ ചില പ്രശ്‌നങ്ങള്‍ മനസ്സിനെയും ശരീരത്തെയും അലട്ടിക്കൊണ്ടിരിക്കും. പകര്‍ച്ചവ്യാധികള്‍ പിടിപെടാനും സാദ്ധ്യത കാണുന്നു. കുടുംബസുഖക്കുറവും സന്താനങ്ങള്‍ക്ക് രോഗപീഡകളും ഉണ്ടാകാം.

തൃക്കേട്ട
സ്ത്രീകള്‍ക്ക് പ്രത്യേകിച്ച് വീട്ടമ്മമാര്‍ക്ക് പുതുവസ്ത്രങ്ങളും വീട്ടുപകരണങ്ങളും ലഭിക്കുവാന്‍ ഇടവരും വിദേശയാത്രയ്ക്ക് അനൂകുലമായ സമയം അല്ല. വ്യാപാര. വ്യവസായമേഖലയില്‍ ചില കഷ്ടതകളും അനിഷ്ടസംഭവങ്ങളും ഉണ്ടാകും. വാഹനസംബന്ധമായ ചില അപകടങ്ങള്‍ മൂലം ധനനഷ്ടത്തിന് സാദ്ധ്യതയുണ്ട്. ദൂരയാത്രകള്‍ കഴിവതും ഒഴിവാക്കുന്നത്‌നല്ലതായിരിക്കും.

മൂലം
കാര്‍ഷിക മേഖല പുഷ്ടിപ്പെടും. പുതിയ ധനാഗമമാര്‍ഗ്ഗങ്ങള്‍ കണ്ടെത്തും. പ്രതീക്ഷീക്കാത്ത ചില വീപരീത അനുഭവങ്ങളുണ്ടായേക്കാം. പൊതു രംഗത്ത് പ്രവര്‍ത്തിക്കുന്നവര്‍ക്ക് നേട്ടങ്ങളും പ്രശ്‌സതിയും ലഭിക്കും സാമ്പത്തിക ബാദ്ധ്യതകള്‍ ഒഴിവാക്കുന്നതിന് ഇടവരും. ഔദ്യോഗികരംഗത്തുള്ളവര്‍ക്ക് നേട്ടങ്ങള്‍ കൈവരിക്കാനുള്ള സമയമാണ് ഉദ്യോഗസ്ഥര്‍ക്ക് അഭിനന്ദനങ്ങളും അനുകുല തീരുമാനങ്ങളും പ്രതീക്ഷിക്കാം. സ്ത്രീകള്‍ക്ക് അനുകൂലമായ സമയമാണ്.

പൂരാടം
പൊതു പ്രവര്‍ത്തകര്‍ക്ക് പ്രത്യേകിച്ച് വനിതകള്‍ക്ക് അനുകൂലഫലങ്ങള്‍ പ്രദാനം ചെയ്യും. വിദ്യാര്‍ത്ഥികള്‍ക്ക് ഉപരിപഠനത്തില്‍ ഉണ്ടായിരുന്ന തടസ്സങ്ങള്‍ മാറി പഠിത്തത്തില്‍ കൂടുതല്‍ ശ്രദ്ധ വെയ്ക്കുവാന്‍ സാധിക്കും. വ്യാപാര വ്യവസായിക മേഖലയില്‍ ഉന്നതരുമായുള്ള ബന്ധം മൂലം പ്രവര്‍ത്തനമേഖലയെ പുഷ്ടിപ്പെടുത്തുവാന്‍ സാധിക്കും.

ഉത്രാടം
സ്ത്രീകള്‍ക്ക് അത്രനല്ല സമയമല്ല. ചില പകര്‍ച്ചവ്യാധികള്‍ പിടിപെടുവാന്‍ സാദ്ധ്യതയുണ്ട്. വ്യാപാരവ്യവസായ മേഖലയില്‍ ഉള്ളവര്‍ ചില വ്യവഹാരങ്ങളില്‍ ചെന്നുപെടാനും സാമ്പത്തിക നഷ്ടം ഉണ്ടാകുവാനും ഇടവരാം.പൊതു പ്രവര്‍ത്തകര്‍ക്ക് പുതിയ സ്ഥാനങ്ങളും പദവിയും ലഭിക്കും. വിവാഹാര്‍ത്ഥികള്‍ക്ക് വിവാഹകാര്യങ്ങളില്‍ തീരുമാനമുണ്ടാകാന്‍ കാലതാമസം നേരിടാം.

തിരുവോണം
സാമ്പത്തികമായ കഷ്ടതകള്‍ തുടരുവാന്‍ ഇടവരും, കിട്ടുവാനുണ്ടായിരുന്ന പൂര്‍വ്വികസ്വത്ത് ലഭിക്കുവാന്‍ സാദ്ധ്യത കാണുന്നു. വിദേശത്ത് ജോലി ചെയ്യുന്നവര്‍ക്ക് ചില തൊഴില്‍ തടസ്സങ്ങള്‍ ഉണ്ടാകുവാന്‍ സാദ്ധ്യതയുണ്ട്. വിദ്യാര്‍ത്ഥികള്‍ക്ക് പഠിത്തത്തിന് അനുകൂലസമയമാണ്. പഠനത്തില്‍ കൂടുതല്‍  ശ്രദ്ധിക്കൂ.

അവിട്ടം
ആരോഗ്യസ്ഥിതി മെച്ചമായിരിക്കുകയില്ല. ശാരീരികമായ അലട്ടലുകള്‍ ഇടയ്ക്കിടെ ഉണ്ടായിക്കൊണ്ടിരിക്കും. കാല്‍പ്പാദങ്ങളില്‍ അസുഖങ്ങള്‍ ഉണ്ടാകാനിടവരും. സാമ്പത്തിക സ്ഥിതി പൊതുവില്‍ മെച്ചമായിരിക്കുമെങ്കിലും ആശുപത്രിച്ചെലവുകള്‍ വര്‍ദ്ധിച്ചുകൊണ്ടിരിക്കും. കുടുംബജീവിതത്തില്‍ അസ്വസ്ഥതകള്‍ ഉണ്ടായിക്കൊണ്ടിരിക്കും. കുടുംബത്തില്‍ അഭിപ്രായഭിന്നതയുണ്ടാകാം.

ചതയം
ബന്ധുജനഗുണം ഉണ്ടാകും. ബന്ധുജനങ്ങള്‍ക്ക് ക്ലേശങ്ങള്‍ ഏറിവരും പുതിയ വാഹനം വാങ്ങുന്നതിനവസരം വന്നുചേരും ഗൃഹനിര്‍മ്മാണ പ്രവര്‍ത്തനങ്ങളിലേര്‍പ്പെട്ട് പണച്ചെലവുകള്‍ കൂടും. മീനമാസത്തില്‍ സന്താനങ്ങള്‍മൂലം വിഷമതകള്‍ വര്‍ദ്ധിക്കും. ശീരോരോഗങ്ങള്‍ക്കും ദന്തരോഗങ്ങള്‍ക്കും ഇടയായേക്കാം. സിനിമാരംഗത്ത് പ്രവര്‍ത്തിക്കുന്നവര്‍ക്ക് അപ്രതീക്ഷിതമായി ധനനഷ്ടം സംഭവിക്കും.

പുരുരുട്ടാതി
ജീവിതം പങ്കാളിക്ക് സ്വസ്ഥതയും സമാധാനവും കുറയും, അപകട ദൂരിതങ്ങളില്‍ നിന്ന് ഈശ്വരാധീനത്താല്‍ രക്ഷപ്പെടും. കാര്യതടസ്സം നീങ്ങിക്കിട്ടും. വിദേശയാത്രപരിശ്രമങ്ങള്‍ സഫലീകരിക്കും. പിതാവിന് ദുരിതങ്ങള്‍ കൂടിവരും. മാതാപിതാക്കള്‍ക്ക് വാസസ്ഥാനത്തിന് മാറ്റം സംഭവിക്കാം. വിദേശത്ത് ജോലി ചെയ്യുന്നവര്‍ക്ക് സാമ്പത്തിക നേട്ടം ഉണ്ടാകാം.

ഉതൃട്ടാതി
ത്വക്ക് രോഗങ്ങള്‍ക്കിടയാകാം. മാതാവിന് രോഗദുരിതങ്ങള്‍ ഉണ്ടാകാം. വിവാഹലോചനകള്‍ നടന്നുകിട്ടാനിടയാകും. യാത്രാക്ലേശങ്ങള്‍ വര്‍ദ്ധിക്കും.തൊഴില്‍രംഗത്ത് സാമ്പത്തിക നേട്ടം ഉണ്ടാകാം. തൊഴില്‍ രംഗത്ത് സാമ്പത്തിക നേട്ടം ഉണ്ടാകാം. പുതിയ ആഭരണങ്ങള്‍ വാങ്ങുന്നതനിവസരം വന്നുചേരും വീടോടുകൂടി വസ്തു വാങ്ങുന്നതിനവസരം വന്നുചേരും.

രേവതി
വിദ്യാര്‍ത്ഥികള്‍ക്ക് ഈ മാസം അനുകൂല്യമാണ്, പരീക്ഷകളില്‍ വിജയം സുനിശ്ചിതമാകും. ഉദ്യോഗാര്‍ത്ഥികള്‍ക്ക് നിയമന ഉത്തരവുകള്‍ ലഭിക്കാനിടവരും. സര്‍ക്കാര്‍ ജീവനക്കാര്‍ക്ക് പ്രമോഷനും സ്ഥലം മാറ്റവും ലഭിക്കും. രാഷ്ട്രീയരംഗത്ത് പൊതുജനപിന്തുണ വന്‍ പണച്ചെലവുകള്‍ കൂടും. ആരോഗ്യസ്ഥിതി മെച്ചമായിരിക്കുകയില്ല. ശാരീരികവും മാനസികവുമായ അലട്ടലുകള്‍ ഇടയ്ക്കിടെ ഉണ്ടായിക്കൊണ്ടിരിക്കും.

 

 

Categories: ASTROLOGY