DCBOOKS
Malayalam News Literature Website

വിസ്മയപ്പെടുത്തുന്ന ലോകോത്തര കഥകള്‍

വിശ്വസാഹിത്യ വിസ്മയങ്ങള്‍ പരിഭാഷകളിലൂടെ മലയാളിയുടെ ആസ്വാദനമണ്ഡലത്തില്‍ ഡി.സി ബുക്‌സ് എത്തിച്ചിട്ടുണ്ട്. ഋഗ്വേദവും ഇലിയഡും തുടങ്ങി അത്യന്താധുനിക സാഹിത്യങ്ങളുടെ പരിഭാഷകകള്‍ വരെ മലയാളത്തില്‍ അവതരിപ്പിച്ചിട്ടുണ്ട്. ഇതിന്റെ തുടര്‍ച്ചയായ പുതിയ പരമ്പരയാണ് ലോകോത്തരകഥകള്‍.

എക്കാലത്തെയും ലോകസാഹിത്യ ആസ്വാദകരുടെ പ്രശംസ പിടിച്ചുപറ്റിയ പതിനൊന്ന് മഹാകഥാകൃത്തുക്കളുടെ ഏറ്റവും മികച്ച കഥകളുടെ സമാഹാരമാണ് ഈ പരമ്പരയില്‍ ഉള്‍പ്പെടുത്തിയിരിക്കുന്നത്. ഈ പരമ്പരയില്‍ പെട്ട ഡോസ്‌റ്റോയേഫ്‌സ്‌കിയുടെ ലോകോത്തര കഥകളുടെ രണ്ടാം പതിപ്പ് പുറത്തിറക്കി.

മനുഷ്യമനസ്സിന്റെ സങ്കീര്‍ണ്ണഘടനകളെ ശില്പഭദ്രതയോടെ സമീപിച്ച മഹാനായ എഴുത്തുകാരനാണ് ഡോസ്‌റ്റോയേഫ്‌സ്‌കി. അദ്ദേഹം വെട്ടിത്തുറുന്ന പാതകളിലൂടെയാണ് ആധുനിക സാഹിത്യം ഇന്ന് സഞ്ചരിക്കുന്നത്. അദ്ദേഹത്തിന്റെ Av Honest Thief (സത്യസന്ധനായ കള്ളന്‍), Another Man’s Wife ( മറ്റൊരുഭാര്യ അല്ലെങ്കില്‍ കട്ടിലിനടിയിലെ ഭര്‍ത്താവ്), The Dream of a Rediculous Man ( ഒരു അപഹാസ്യന്റെ സ്വപ്നം) A Novel in None letters (ഒന്‍പതു കത്തുകളില്‍ ഒരു നോവല്‍) തുടങ്ങിയ പ്രശസ്തമായ കഥകളുടെ മലയാള പരിഭാഷാണ് ലോകോത്തര കഥകളില്‍ സമാഹരിച്ചിരിക്കുന്നത്.

ടി കെ പ്രേമലതയാണ് കഥകളുടെ വിവര്‍ത്തനം നിര്‍വ്വഹിച്ചിരിക്കുന്നത്.

 

Comments are closed.